Godo falenderon mjeket, per ndihmen e dhene per Gerdecin

Nje vit pas shperthimit tragjik te 15 marsit ne Gerdec, ministrja e Shendetesise Anila Godo, ka shprehur mirenjohje per stafin mjekesor dhe ish-ministrin e Shendetesise, per ndihmen e shpejte qe i dhane te lenduarve. Ne kete nje-vjetor, ministrja e Shendetesise u shpreh se solidarizimi njerezor ishte i jashtezakonshem, ndersa kerkoi qe kjo ngjarje njerezore te mos perdoret per qellime te tjera. "Shfletova dosjen qe disponon Ministria e Shendetesise lidhur me kete ngjarje dhe ndjej detyrim te shprehem me shume respekt, mirenjohjen per tere aparatin e Ministrise qe kryesohej nga Nard Ndoka, per organizimin e menjehershem te gatishmerise ne koordinim me strukturat e tjera qeveritare. Dua te shpreh mirenjohje per drejtuesit, mjeket, infermieret, sanitaret, shoferet dhe te tere ata qe sherbyen pa kursyer veten, per te shpetuar njerezit, e per te lehtesuar dhimbjen e tyre" eshte shprehur Godo gjate fjales se saj. Nje falenderim te vecante, ministrja Godo, u percolli vendeve tona fqinje, ne vecanti bashkatdhetareve kosovare e maqedonas. "Ndihma e vendeve fqinje ishte e cmuar. Gjak erdhi edhe nga Kosova e Maqedonia. 26 persona u moren menjehere per mjekim ne Itali. Po ashtu Greqia e shume vende te tjera." Ne fund te fjales se saj, ministrja Godo shprehu krenarine per njerezit qe perballuan kete tragjedi, per solidaritetin njerezor. "Te gjitha keto nuk duhen harruar. Nuk duhet harruar solidariteti i madh njerezor, pa te cilin demet do te ishin me te renda. Ndjej krenari qe punoj me njerezit, te cilet dolen perpara, kur fatkeqesia trokiti ne dere. Ndjej krenari qe shendetesia beri gjithcka ishte e mundur te bente dhe qe e beri me se miri" tha ministrja e Shendetesise Anila Godo.