Grabitet “Tirana Bank”, maskat vjedhin 3.5 milionë në autostradë
07/05/2010 Dy autorët u morën paratë edhe klientëve
TIRANE- Dy persona të armatosur kanë hyrë dje në filialin e bankës “Tirana Bank” që ndodhet në autostradën Tiranë-Durrës, nga ku kanë marrë plot 3.5 milionë lekë të vjetra. Aktualisht policia nuk ka asnjë të dhënë mbi identitetin e autorëve të këtij krimi, por burimet sqaruan se lidhur me këtë çështje janë marrë dëshmitë e punonjësve të bankës, si dhe janë sekuestruar pamjet filmike të regjistruara nga kamerat e bankës. Gjithashtu hetime po kryen edhe për sa i përket drejtimit të largimit të dy personave, të cilët sipas dëshmitarëve rezultojnë të jenë rreth moshës 20-25 vjeç. Ngjarja e rëndë u shënua në orën 10:30, ku dy autorët në mënyrë të shpejtë arritën të shkojnë në arkën e bankës, ku nën presionin e armës të llojit pistoletë morën 3 milion e gjysmë lekë. Aktivizimi i sistemit të alarmit ka bërë që këta persona të largohen me shpejtësi, duke mos vazhduar të marrin shuma financiare nga arka e kësaj banke. Menjëherë në vendin e ngjarjes kanë shkuar forcat e sigurisë, të cilat në bashkëpunim edhe me Shoqërinë e Ruajtjes dhe Sigurisë Fizike, si dhe me Punonjësit e Sigurimit të Brendshëm të Bankave të Nivelit të Dytë, kanë filluar hetimet për të zbardhur autorët e ngjarjes. Nga deklarimet e punonjësve të kësaj banke, mësohet se autorët kanë qenë të maskuar dhe nën presionin e armës ata kanë marrë shumën financiare. Burimet sqaruan se shuma prej 3.5 milionë lekësh nuk i është grabitur vetëm bankës, por edhe qytetarëve të ndryshëm që ndodheshin brenda bankës në momentin kur ndodhi ngjarja. Autorët i kanë detyruar qytetarët që të dorëzonin çdo lekë që ata kishin me vete, pasi në rast të kundërt ata do qëllonin me armë në drejtim të tyre.
TIRANE- Dy persona të armatosur kanë hyrë dje në filialin e bankës “Tirana Bank” që ndodhet në autostradën Tiranë-Durrës, nga ku kanë marrë plot 3.5 milionë lekë të vjetra. Aktualisht policia nuk ka asnjë të dhënë mbi identitetin e autorëve të këtij krimi, por burimet sqaruan se lidhur me këtë çështje janë marrë dëshmitë e punonjësve të bankës, si dhe janë sekuestruar pamjet filmike të regjistruara nga kamerat e bankës. Gjithashtu hetime po kryen edhe për sa i përket drejtimit të largimit të dy personave, të cilët sipas dëshmitarëve rezultojnë të jenë rreth moshës 20-25 vjeç. Ngjarja e rëndë u shënua në orën 10:30, ku dy autorët në mënyrë të shpejtë arritën të shkojnë në arkën e bankës, ku nën presionin e armës të llojit pistoletë morën 3 milion e gjysmë lekë. Aktivizimi i sistemit të alarmit ka bërë që këta persona të largohen me shpejtësi, duke mos vazhduar të marrin shuma financiare nga arka e kësaj banke. Menjëherë në vendin e ngjarjes kanë shkuar forcat e sigurisë, të cilat në bashkëpunim edhe me Shoqërinë e Ruajtjes dhe Sigurisë Fizike, si dhe me Punonjësit e Sigurimit të Brendshëm të Bankave të Nivelit të Dytë, kanë filluar hetimet për të zbardhur autorët e ngjarjes. Nga deklarimet e punonjësve të kësaj banke, mësohet se autorët kanë qenë të maskuar dhe nën presionin e armës ata kanë marrë shumën financiare. Burimet sqaruan se shuma prej 3.5 milionë lekësh nuk i është grabitur vetëm bankës, por edhe qytetarëve të ndryshëm që ndodheshin brenda bankës në momentin kur ndodhi ngjarja. Autorët i kanë detyruar qytetarët që të dorëzonin çdo lekë që ata kishin me vete, pasi në rast të kundërt ata do qëllonin me armë në drejtim të tyre.