Grabitet makina ne sy te policeve ikin autoret

TIRANE - Dy persona te maskuar arriten te grabisin nje automjet te parkuar ne zonen e Xhamllikut ne Tirane pikerisht ne kohen kur afer vendit te ngjarjes po afrohej nje patrulle policie. Ngjarja ndodhi dje rreth ores 1500 ne nje kohe kur kalimtare te shumte e madje edhe vete forcat e policise u bene deshmitare te grabitjes. Autoret kane vjedhur nje automjet tip Benz me ngjyre te bardhe ne zonen e Xhamllikut e me pas jane larguar bashke me mjetin. Policia dyshon se autoret jane djem te rinj rreth te 20-ave. Ata xhiruan gomat e makines kur ndodheshin ne nje distance te afert me mjetin Shevrolet te policise qe i ndoqi kemba-kembes por pa arritur ti ndaloje. Per ngjarjen u njoftua menjehere salla operative e Policise se Tiranes dhe forca shtese policie iu bashkengjiten patrulles se Komisariatit nr.4 ne ndjekje te makines se bardhe. Burime nga policia thane se automjeti i vjedhur levizi me shpejtesi ne rrugicat qe lidhin zonen e Xhamllikut me rrugen anes Lanes perballe maternitetit Koco Gliozheni e me pas u zhduk nga syte e policeve ne rrugen qe te con ne drejtim te Shkozes. Kerkimet paraprakisht u nderprene per te krijuar nje plan te posacem operacional ne bazen e tipit te makines targes ngjyres dhe pershkrimeve per dy autoret qe kryen vjedhjen. Sic duket grabitesit kane shfrytezuar rastin kur shumica e forcave te policise kane qene te pozicionuar nje pjese ne koncertin e Partise Demokratike dhe pjesa tjeter ne stadiume ku luheshin ndeshjet e kampionatit shqiptar. E megjithate duket se kohet e fundit numri i rasteve te vjedhjeve ka ardhur cdo dite e ne rritje aq sa eshte bere nje problem shqetesues kryesisht ne zonen e Kavajes qe gjithashtu eshte pjese e Qarkut te Tiranes. Per kete arsye Drejtoria e Policise se Qarkut te Tiranes ka ndermarre nje plan masash per parandalimin e ngjarjeve me tendence krimet kunder prones dhe vjedhjeve me dhune ne rruge. Burime jozyrtare nga policia e kryeqytetit thane se duke filluar qe sot plani i masave do te vihet ne zbatim ne Tirane dhe Kavaje. Police te veshur civile do te patrullojne zonat problematike edhe gjate oreve te nates. Furgonat e grupit te gatshem do te jene ne cdo orar ne levizje ne rrugicat pa ndricim dhe gjithashtu cdo person qe do te shihet duke levizur ne kembe pas ores 2400 do te shoqerohet per verifikim ne polici dhe do ti merren edhe gjurmet e gishtave.