Gramshi turistik, pritshmëri të larta për vizitorët gjatë 2024-ës

Mbi 120 mijë turistë vendas e të huaj e vizituan bashkinë e Gramshit gjatë vitit që lamë pas, shifër kjo e cila pritet të dyfishohet që gjatë sezonit të ri veror. Sipas bashkisë së Gramshit pritshmëritë për 2024-ën janë të larta kjo pasi bashkia është e pasur me vende turistike. 

Nga liqeni i Banjës e deri tek ujvara e Sotirës, infrastruktura është e përshtatshme për të mbërritur tek të gjithë destinacionet, por vizitorët duhet të tregohen të kujdesshëm që të marrin informacion e duhur më parë sidomos nëse do të vizitojnë kanionet e Holtës.

Fundjava e gjen të mbushur me turistë edhe liqenin e Banjës.

Falë bukurive që natyra i ka dhuruar, Gramshi mbetet ndër destinacionet më të preferuara në qarkun e Elbasanit për tu vizituar.

Gazetare: Keti Toroveci

/rtsh.al/