Greqi, 80 persona të plagosur në protesta, dhjetëra të arrestuar

Më shumë se 80 persona janë lënduar në përleshje, përfshirë 30 policë gjatë protestave të një dite më parë në Greqi. Lajmi u konfirmua nga policia greke, e cila bën të ditur se janë kryer dhe dhjetëra arrestime. Paralel me protestat Parlamenti grek ka miratuar masat e reja të kursimit të nevojshme për të siguruar pakon e ardhshme të shpëtimit. Masat e tilla përfshijnë shuarjen e një në pesë vende të punës në shërbimin civil dhe uljen e pagës minimale. Në shkëmbim, Greqia merr pakon e dytë të shpëtimit në vlerë prej 130 miliardë eurosh e vlefshme për të shpaguar borxhet dhe për ta shmangur falimentimin. Ministri grek i financave Evangelos Venizelos u kërkoi ligjvënësve që të miratojnë masat “për të shpëtuar vendin”.