Greqi, shqiptarja masakron të bijën 13 vjeçare me thikë, tenton të vetëvritet dhe vetë

Një nënë shqiptare në kushte të rënda depresioni ka masakruar me thikë vajzën 13-vjeçare dhe më pas ka tentuar të vetëvritet duke përdorur të njëjtën armë.

Ngjarja e rëndë ndodhi në Kretë rreth mesditës, kur pas një debati nënë e bijë, gruaja 36-vjeçare ka qëlluar disa herë vajzën duke e lënë të vdekur në vend. Pasi ka kryer krimin e rëndë, nëna 36-vjeçare ka marrë thikën dhe ka tentuar të vetëvritet duke prerë veten në fyt.

Babai i vajzës 13-vjeçare i ka gjetur të gjakosura nënë e bijë në mes të dhomës dhe menjëherë ka lajmëruar policinë, ndërkohë që mjekët kanë konfirmuar vdekjen e vajzës dhe gjendjen e rëndë të autores që tentoi vetëvrasjen.

Policia tha se ka nisur hetimet dhe po punohet për zbardhjen e shkaqeve të këtij krimi të rëndë brënda familjes shqiptare. Sipas hetimeve të para, dyshohet se gruaja vuante nga depresioni./ora-news