Greqia: Dënimi i Naum Dishos, zhvillim i turpshëm. Dëmton marrëdhëniet me Shqipërinë
Dënimi me një vit burg për kreun e Omonias Naum Disho duket se nuk është pritur mirë nga Athina zyrtare. Vendimi i gjykatës së apelit për të lënë në burg Dishon, sipas mediave greke ka sjellë edhe reagimin e ministrit të Jashtëm, Stavros Dimas.
“Departamenti është plotësisht i informuar për zhvillimet në këtë padi. Ne kemi deklaruar tashmë në mënyrë të përsëritur se dënimi i Naum Dishos me një vit burg është një zhvillim i turpshëm për marrëdhëniet e minoritetit grek etnik në shtetin shqiptar, duke prekur pa dyshim, dhe marrëdhëniet e dy vendeve” theksohet në deklaratën e Dimas. Kjo ishte një përgjigje ndaj dy deputetëve të partisë LAOS Athanasios Plevris dhe Georgios Anatolakis të bërë në 7/2/2012.
Sipas ministrit të Jashtëm grek, këto zhvillime janë të rëndësishme dhe duhen marrë në konsideratë nga organet kompetente të Bashkimit Evropian, ku Shqipëria dëshiron të bashkohet. “Në këtë aspekt, Komisioni Evropian shprehu shqetësimin e tij të thellë për punën e përgjithshme, efektivitetin dhe pavarësinë e drejtësisë shqiptare në opinionin mbi kërkesën e Shqipërisë për t’u bërë pjesë e BE, ndërsa Progresi raporti i fundit thekson se në Shqipëri standardet evropiane në drejtësi janë në një fazë të hershme” theksohët në deklaratën e Dimas.
Ne do të vazhdojë të monitorojmë nga afër zhvillimet ligjore të këtij rasti, vazhdon deklarata e Dimas, në mënyrë që të vlerësojmë shkallën e përputhshmërisë të Shqipërisë me standardet e përcaktuara nga BE-ja për funksionimin e drejtësisë dhe do të përcaktojmë qëndrimin tonë.
Gjykata e Apelit ka lanë në fuqi vendimin e dhënë nga Gjykata e Shkallës së Parë për të dënuar me një vit burg, kreun e organizatës Omania Naum Disho me akuzën e dhunimit të varreve në fshatin Boboshticë./ora-news