Greqia blen te drejten per te tregtuar me emrin Made in Macedonia

Grindja per emrin mes Maqedonise dhe Greqise tani edhe ne plan tregtar ndersa produktet e te ashtuquajtures FYROM do te tregtohen me emra rajonale

Prodhuesit e veres ne Maqedoni ne te ardhmen nuk do te mund te eksportojne asnje vere ne qofte se mban mbishkrimin vere maqedonase apo vere nga Maqedonia. Greqia ka siguruar e para licencen per kete emer.

Pergjigja zyrtare u kerkua nga Komisioni Evropian ne Bruksel. Drejtoria e pergjithshme per bujqesi ne Bruksel konfirmoi se vera me emrin maqedonase mund te importohet vetem nga Greqia sepse Athina zyrtare e ka siguruar licencen me kete emer ne vitin 1989.

Burime te Komisionit Evropian ne kushte anonimiteti konfirmojne per Deutsche Wellen se ne te ardhmen prodhimet me emrin Maqedoni ose maqedonase do te kontrollohen me shume. Maqedonia ne 20 vitet e fundit ka eksportuar vere me emrin maqedonase pa asnje problem ne te gjitha vendet e BE-se. Fjala ishte per vere te lire dhe ky mbase eshte shkaku pse askush nuk e ka verejtur kete problem. Por vitet e fundit gjerat kane ndryshuar sepse disa prodhues vere ne Maqedoni kane bere perpjekje qe ne tregun evropian te depertojne me vere me cmime me te larta.

Athina dhe Shkupi grinden rreth emrit te ish-republikes jugosllave per gati 20 vite me radhe qe prej shpalljes se pavaresise prej Shkupit zyrtar. Greqia ka refuzuar ta njohe vendin fqinj me emrin qe kerkon te mbaje. Te gjitha perpjekjet e deritanishme te ndermjetesuesve per zgjidhjen e ketij problemi kane deshtuar. Greqia ka bllokuar anetaresimin e Maqedonise ne NATO si dhe nisjen e negociatave per anetaresim ne BE. Grindjet e perhershme mes Shkupit dhe Athines jane prezent jo vetem ne politike por edhe ne sport e tani dhe shitjen e prodhimeve.

Prodhuesit e veres ne Maqedoni kane frike se ndalimi i futjes se prodhimeve te tyre ne territorin e BE-se mund te kete pasoja shume te renda per eksportin edhe ashtu te vogel te ketij vendi. Kjo mund te thelloje edhe me shume krizen ekonomike ne kete sektor. Pjesen me te madhe te veres Maqedonia e eksporton ne tregun gjerman. Sipas vleresimeve te prodhuesve fjala eshte per rreth 33 milione tone vere ne vit.

Sipas normave te BE-se ne te ardhmen ne etiketa duhet te shpjegohet edhe rajoni prej nga vjen vera maqedonase. Mirepo problemi eshte qe autoritetet ne Shkup nuk kane miratuar ndonje rregull per mbrojtjen dhe kontrollin e prodhimeve te veta nga rajone te ndryshme thone ekspertet.

Brukseli pret tani qe autoritetet maqedonase deri ne fund te vitit te paraqesin listen me rajonet ku prodhohet vera si per shembull pjesa e eperme e Vardarit Povardarcije ku prodhohet sasia me e madhe e veres ne kete vend.

Ne qofte se prodhimet nga Maqedonia deri ne fund te ketij afati nuk gjendet ne listen e prodhimeve te mbrojtura importuesit gjermane nuk mund ti shesin keto prodhime me emrat e deklaruar. Ne kete rast do te rrezikohet eksporti maqedonas ne Gjermani dhe ne territorin e Bashkimit Evropian thote per Deutschen Welle-en Koco Mocan i firmes Tehnometal nga Frankfurti e cila merret me shperndarjen e veres maqedonase ne Gjermani.

Prodhuesit e veres ne Maqedoni gjenden tani ne nje pozite te veshtire. Disa prej tyre tani ne etiketat shenojne emrin Ish - Republika Jugosllave e Maqedonise FYROM - emrin me te cilin ky vend eshte pranuar ne OKB. Por kjo nuk eshte ndonje zgjidhje afatgjate.