Greqia përfshihet nga zjarret, evakuohet një fshat

Temperaturat e larta kanë risjell zjarret në shtetin fqinj, Greqinë, ku situata më problematike paraqitet në dy zona, Portes Achaqias në prefekturën e Akai dhe në Porto Katsiki në Lefkada.

Në Akai flakët i janë afruar fshatit Valmi teksa janë evakuuar banorët. Zjarri ka marrë përmasa të pakontrollueshme, ndihmuar edhe nga era e fortë.

Në zonë janë angazhuar 130 zjarrfikës, 43 automjete, 4 avionë dhe 2 helikopterë për shuarjen e flakëve. Në Lefkada zjarri ka rënë në një zonë pyjore, por fatmirësisht nuk rrezikon zona të banuara.

Vitin e kaluar Greqia u përfshi nga zjarre të mëdha që dolën jashtë kontrollit duke djegur hektarë të tërë tokë./ CNN.gr

/rtsh.al/