Grinden per pronen, qellon bashkefshatarin me dru ne koke

Permet- Nje grindje per ceshtje pronesie ne fshatin Kutal, te rrethit te Permetit, per pak sa nuk eshte kthyer ne nje ngjarje me pasoja te renda. Gjate debatit njeri prej banoreve te ketij fshati ka goditur me mjete te forta bashkefshatarin e vet, duke e plagosur ne koke. Sipas burimeve zyrtare ne Drejtorine e Policise ne Gjirokaster, pasditen e se merkures specialistet e Seksionit Kunder Krimit ndaj Personit, kane bere arrestimin ne flagrance te 23-vjecarit, Erjon Goxhaj, lindur dhe banues ne fshatin Kutal, Permet. I ndaluari gjate nje grindje per motive te dobeta me bashkefshatarin e tij me inicialet B.L, 47-vjec i ka shkaktuar ketij te fundit plage ne koke. Sipas skemes se ngritur nga policia, ne lidhje me kete ngjarje, konflikti ka nisur mengjesin e se merkures ne lidhje me pronesine e nje siperfaqeje toke. Te dy banoret e fshatit Kutal, pretendonin se ajo toke iu perkiste atyre c'ka ka shkaktuar edhe grindjen e radhes. Gjate debatit me fjale, gjakrat jane "ndezur" edhe me shume, nderkohe qe Goxhaj ka marre nje shkop druri dhe e ka goditur bashkefshatarin e tij ne koke. Menjehere pas ngjarjes ai eshte larguar per t'iu fshehur ndjekjes se policise. Bashkefshataret kane transportuar per ne spitalin e Permetit te lenduarin, per te marre ndihmen mjekesore. Forcat e policise se Komisariatit te Permetit, per disa ore rresht kane bere "krehjen" e zones ne rrethinat e fshatit Kutal, ku dyshohej se i fshihej i kerkuari. Nderkohe gjate kesaj kohe organet e hetimit ne rruge operative kane grumbulluar informacione se i kerkuari ishte pare ne afersi te doganes se Kakavijes, ne tentative per t'u larguar per ne Greqi.

Blerim Kore

Akuza

Mbi te ndaluarin Erjon Goxhaj, rendon akuza per vepren penale te "vrasjes me dashje mbetur ne tentative". Materialet hetimore ne lidhje me kete ngjarje i kaluan per hetime te metejshme Prokurorise se Gjirokastres.