Gripi i derrave, Gashi: Situata në Kosovë është nën kontroll
Nën kryesimin e Ministrit të Shëndetësisë të Republikës së Kosovës, Alush Gashi, u mbajt takimi i Grupit multisektorial për pandeminë e gripit të sëmundjes A (H1N1).
Në këtë takim, drejtuesit e IKSHP-së, QKUK-së, Klinikës Infektive dhe ata të qendrave rajonale, kanë raportuar për nivelin e masave që po ndërmerren për ballafaqimin me pandeminë e gripit të derrave pas konfirmimit të 2 rasteve pozitive të virusit H1N1 në Kosovë.
Ministri Gashi ka vlerësuar se deri në këtë fazë, institucionet shëndetësore qendrore, por edhe ato rajonale e lokale kanë bërë punë të mirë dhe se ka kërkuar që monitorimi i masave të ndërmarra dhe situatës të vazhdojë më ritëm të njëjtë.
Ai tha se autoritetet shëndetësore në vend, po veprojnë ekskluzivisht sipas rekomandimeve të OBSH-së dhe se situata është plotësisht nën kontroll.
Në takim u vlerësua se aktualisht Kosova posedon medikamente të mjaftueshme të ilaçit "Tamiflu", por është kërkuar që ky ilaç të përshkruhet ekskluzivisht nga infektologët.
Ishte konstatim i përbashkët se masat e ndërmarra në pikat kalimtare në kufi dhe në Aeroportin ndërkombëtar të Prishtinës, pavarësisht interpretimeve të ndryshme, janë në përputhshmëri absolute me rekomandimet e OBSH-së dhe se autoritetet shëndetësore në vend, nuk kanë lënë pa ndërmarrë ndonjërën prej këtyre masave që i ka rekomanduar kjo organizatë.
Në takim ka marrë pjesë edhe përfaqësuesi i OBSH-së në Prishtinë, drejtori i Aeroportit të Prishtinës dhe përfaqësues të institucioneve të tjera që janë pjesë e planit të përbashkët të veprimit kundër gripit.
Në këtë takim, drejtuesit e IKSHP-së, QKUK-së, Klinikës Infektive dhe ata të qendrave rajonale, kanë raportuar për nivelin e masave që po ndërmerren për ballafaqimin me pandeminë e gripit të derrave pas konfirmimit të 2 rasteve pozitive të virusit H1N1 në Kosovë.
Ministri Gashi ka vlerësuar se deri në këtë fazë, institucionet shëndetësore qendrore, por edhe ato rajonale e lokale kanë bërë punë të mirë dhe se ka kërkuar që monitorimi i masave të ndërmarra dhe situatës të vazhdojë më ritëm të njëjtë.
Ai tha se autoritetet shëndetësore në vend, po veprojnë ekskluzivisht sipas rekomandimeve të OBSH-së dhe se situata është plotësisht nën kontroll.
Në takim u vlerësua se aktualisht Kosova posedon medikamente të mjaftueshme të ilaçit "Tamiflu", por është kërkuar që ky ilaç të përshkruhet ekskluzivisht nga infektologët.
Ishte konstatim i përbashkët se masat e ndërmarra në pikat kalimtare në kufi dhe në Aeroportin ndërkombëtar të Prishtinës, pavarësisht interpretimeve të ndryshme, janë në përputhshmëri absolute me rekomandimet e OBSH-së dhe se autoritetet shëndetësore në vend, nuk kanë lënë pa ndërmarrë ndonjërën prej këtyre masave që i ka rekomanduar kjo organizatë.
Në takim ka marrë pjesë edhe përfaqësuesi i OBSH-së në Prishtinë, drejtori i Aeroportit të Prishtinës dhe përfaqësues të institucioneve të tjera që janë pjesë e planit të përbashkët të veprimit kundër gripit.