Gripi i derrave, arrin në 16 numri i të infektuarve

Arrin në 16 numri i të infektuarve nga virusi A/H1N1 në Shqipëri. Analizat e dërguara në Rumani kanë konfirmuar prekjen nga gripi i derrave edhe të katër personave të tjerë. Të katër të infektuarit janë nga Tirana, i përkasin moshës 25-50 vjeç, dy prej tyre kanë udhëtuar jashtë shtetit, ndërsa dy të prekurit e tjerë jo.
Epidemiologu Dritan Ulqinaku, në një prononcim për "Ora News" deklaroi se janë edhe dy raste të reja të dyshuara me grip derrash, ndërkohë që numri në total i mostrave në ISHP ka arritur në 400.