Gruaja e Romneyt, frikë dhe panik në aeroplan

Shumë frikë por asnjë dëm për aspiranten për Zonjën e Parë të Shteteve të Bashkuara, Ann Romeny, aeroplani i së cilës është detyruar që të bëjë një ulje emergjente në Kolorado.

Aeroplani, i cili fluturonte me në bord personelin dhe gruan e kandidatit republikan, Mitt Romney, rivali i presidentit Barack Obama për Shtëpinë e Bardhë, ka pasur një avari. Bëhej fjalë për depërtim të tymit në kabinë.

Megjithatë, në fund aeroplani aterroi pa probleme dhe të gjithë anëtarët që ishin në bord dolën të padëmtuar.