Gus Hidink qëndron…si këshilltar i bluve

Trajneri i Kombëtares ruse, Gus Hidink, mund të qëndrojë te Çelsi më gjatë nga sa e kishte parashikuar. Holandezi mori drejtimin e skuadrës pas largimit të Skolarit, ndërkohë që klubi londinez kërkon që bashkëpunimi të vazhdojë edhe pas mbylljes së këtij sezoni. Sipas "Daily Mail", nëse Hidink vendos të mos largohet, ai mund të vazhdojë punën si trajner, ose si këshilltar. "Më kanë ofruar të qëndroj me Çelsin, kësaj radhe si këshilltar. Do të shohim se si do të zhvillohen ngjarjet", pohoi ai.