HAPËSIRË – Ngrihet në fluturim ”Starliner”, testimi i parë me njerëz
FLORIDA, 5 qershor /ATSH-DPA/ – Anija kozmike ”Starliner” e ”Boeing” u ngrit nga Stacioni Ndërkombëtar Hapësinor (ISS) për fluturimin e saj të parë provë me ekuipazh në prill, theksoi agjencia hapësinore amerikane NASA.
Anija kozmike u nis nga porti hapësinor Cape Canaveral në shtetin amerikan të Floridës, me astronautët e NASA-s Barry Wilmore dhe Suni Williams në bord, duke përdorur një raketë ”Atlas V”.
Fluturimi testues u shty disa herë për shkak të problemeve të ndryshme teknike me anijen kozmike dhe raketën.
”Starliner”, një anije kozmike pjesërisht e ripërdorshme e përbërë nga një kapsulë ekuipazhi dhe një modul shërbimi dhe e aftë për të mbajtur deri në katër anëtarë të ekuipazhit – pritet të enjten në ISS, ku Wilmore dhe Williams do të qëndrojnë për rreth një javë.
Williams, 58 vjeç dhe Wilmore, 61 vjeç, kanë qenë në hapësirë dy herë më parë.
Kapsula hapësinore e ”Crew Dragon” e ankoruar aktualisht në ISS u zhvendos në një stacion tjetër posaçërisht për mbërritjen e ”Starliner”.
Në maj 2022, ”Starliner” përfundoi me sukses fluturimin e tij të parë pa pilot në ISS dhe kaloi katër ditë atje, një test i madh për anijen kozmike.
Në të ardhmen ai do të transportojë astronautë në ISS si një alternativë ndaj kapsulës hapësinore të ”Crew Dragon” të SpaceX./ /os/