Hajdutët po ‘zhveshin’ Kishat-monument kulture
KORCE- Hajdutët i kanë “zhveshur” dy kishat më të njohura të Voskopojës, atë të Shën Mërisë dhe të Shën Thanasit. Është skandaloze kjo që po ndodh me objektet e kultit, pasi po humbasin vlerat e tyre të vërteta, vlerat kulturore dhe historike. Kështu deklaroi dje prifti i Voskopojës, Thoma Samara. Në një intervistë për “Gazeta Shqiptare”, Samara tregon me detaje mbi bastisjen e kishave të Voskopojës, të cilat janë monumente kulture të kategorisë së parë.
Ai thotë se policia nuk ka mundur të vejë në pranga asnjë nga grabitësit, ndërsa Drejtoria e Monumenteve të Kulturës premton, por nuk bën asgjë për mbrojtjen e kishave. Herë pas here, kishat e Voskopojës janë bërë preh e vjedhjeve nga persona të papërgjegjshëm.
Çfarë mund të thoni në lidhje me këtë fenomen?
Është një humbje e madhe për kishat, për ne, për të gjithë. Nuk është mirë që dëmtohen kështu objektet e kultit. Duhet ndërgjegjësim. Këto kisha po humbasin vlerat e tyre të vërteta, po humbasin vlerat kulturore dhe historike. Vjedhjet e tyre janë të ripërsëritura.
Çfarë objektesh ka aktualisht në këto kisha?
Vetëm piktura murale. Ne kemi dhënë herë pas here alarmin për bastisjen e kishave, dhe organet kompetente duhej ta vlerësonin seriozisht situatën dhe apelin tonë. Në Kishën e Shën Mërisë dhe të Shën Thanasit në Voskopojë, ikonostaset janë grabitur vjet, ndërkohë që kambanorja 300-vjeçare e Shën Mërisë u vodh para pak ditëve. Është skandal kjo që ndodh me objektet e kultit, por nuk kemi se çfarë të bëjmë.
Po në bastisjet e mëparshme të dy kishave, çfarë objektesh janë vjedhur?
Në vjedhjet e mëparshme u zhdukën nga kisha balda baldakini, ikonostasi, 18 ikonat në krye të tij, dhe shumë objekte të tjera të çmueshme.
Kisha e Shën Thanasit mbart vlera të rralla historike, etnografike e fetare, pasi ka një ansambël pikturash murale, të realizuara nga vëllezërit Kostandin dhe Athanas Zografi në vitet 1744-1745. I keni denoncuar në polici të gjitha rastet e
vjedhjeve? Në të gjitha rastet e bastisjeve të kishave, ne kemi bërë denoncim. Por, nuk është vënë në pranga asnjë autor. Deri tani, organet kompetente kanë thënë vetëm fjalë dhe asnjë vepër. Ja ku erdhi koha, kur kanë mbetur vetëm muret e kishave.
Po me Drejtorinë e Monumenteve të Kulturës keni kontaktuar në lidhje me vjedhjen e kishave si dhe ruajtjen e tyre?
Patjetër që kemi kontaktuar. Na premtuan se do vendoseshin roje, kamera dhe sinjale, por asgjë. Kishat gjithmonë grabiten në kohë restaurimesh, si tani. E përsëris, kjo është një humbje e madhe për të gjithë ne, sidomos për këtë zonë turistike. Objektet e kultit po mbeten në mëshirë të fatit.
Cili është apeli juaj?
I bëj një apel policisë, të gjejë autorët e ngjarjes dhe të ndalen këto veprimtari kriminale ndaj objekteve të kultit.
(e.m/GazetaShqiptare/BalkanWeb)
Ai thotë se policia nuk ka mundur të vejë në pranga asnjë nga grabitësit, ndërsa Drejtoria e Monumenteve të Kulturës premton, por nuk bën asgjë për mbrojtjen e kishave. Herë pas here, kishat e Voskopojës janë bërë preh e vjedhjeve nga persona të papërgjegjshëm.
Çfarë mund të thoni në lidhje me këtë fenomen?
Është një humbje e madhe për kishat, për ne, për të gjithë. Nuk është mirë që dëmtohen kështu objektet e kultit. Duhet ndërgjegjësim. Këto kisha po humbasin vlerat e tyre të vërteta, po humbasin vlerat kulturore dhe historike. Vjedhjet e tyre janë të ripërsëritura.
Çfarë objektesh ka aktualisht në këto kisha?
Vetëm piktura murale. Ne kemi dhënë herë pas here alarmin për bastisjen e kishave, dhe organet kompetente duhej ta vlerësonin seriozisht situatën dhe apelin tonë. Në Kishën e Shën Mërisë dhe të Shën Thanasit në Voskopojë, ikonostaset janë grabitur vjet, ndërkohë që kambanorja 300-vjeçare e Shën Mërisë u vodh para pak ditëve. Është skandal kjo që ndodh me objektet e kultit, por nuk kemi se çfarë të bëjmë.
Po në bastisjet e mëparshme të dy kishave, çfarë objektesh janë vjedhur?
Në vjedhjet e mëparshme u zhdukën nga kisha balda baldakini, ikonostasi, 18 ikonat në krye të tij, dhe shumë objekte të tjera të çmueshme.
Kisha e Shën Thanasit mbart vlera të rralla historike, etnografike e fetare, pasi ka një ansambël pikturash murale, të realizuara nga vëllezërit Kostandin dhe Athanas Zografi në vitet 1744-1745. I keni denoncuar në polici të gjitha rastet e
vjedhjeve? Në të gjitha rastet e bastisjeve të kishave, ne kemi bërë denoncim. Por, nuk është vënë në pranga asnjë autor. Deri tani, organet kompetente kanë thënë vetëm fjalë dhe asnjë vepër. Ja ku erdhi koha, kur kanë mbetur vetëm muret e kishave.
Po me Drejtorinë e Monumenteve të Kulturës keni kontaktuar në lidhje me vjedhjen e kishave si dhe ruajtjen e tyre?
Patjetër që kemi kontaktuar. Na premtuan se do vendoseshin roje, kamera dhe sinjale, por asgjë. Kishat gjithmonë grabiten në kohë restaurimesh, si tani. E përsëris, kjo është një humbje e madhe për të gjithë ne, sidomos për këtë zonë turistike. Objektet e kultit po mbeten në mëshirë të fatit.
Cili është apeli juaj?
I bëj një apel policisë, të gjejë autorët e ngjarjes dhe të ndalen këto veprimtari kriminale ndaj objekteve të kultit.
(e.m/GazetaShqiptare/BalkanWeb)