Hakerët shqiptarë sulmojnë faqet zyrtare sebe

TIRANE- Grupi i hakerëve shqiptarë të njohur me nofkën Alboz Hacker Group kanë hakuar Ueb faqen e Federatës së Gjimnastikës së Serbisë. Në faqen zyrtare të kësaj federate (http://www.gssrb.rs/) në sfond shfaqet shqiponja me mbishkrimin Republic of Kosova.

Poashtu në këtë faqe hakerët shqiptarë kanë shkruar edhe emrin e grupit të cilit i takojnë “Alboz Hacker Group.” Në mes të saj poashtu është shfaqur edhe porosia Hacked by Gjenerali.

Faqja e Federatës së Gjimnastikës së Serbisë ende nuk është në funksion pas këtij sulmi. Kohëve të fundit kemi parë shumë sulme dhe kundërsulme si nga ana e hakerëve shqiptarë ashtu edhe atyre serb, ku janë sulmuar dhe hakuar Ueb faqe madje edhe të niveleve më të larta si Ministrive etj. (PCWorld Albanian).
(m.a/bs/BalkanWeb)