Hammarberg vizitë katërditore në Prishtinë

Prishtinë -Komisioneri i Këshillit të Evropës për të Drejtat e Njeriut, Thomas Hammarberg, deklaroi në Prishtinë se shteti i sundimit të ligjit, funksionimi i administratës dhe të drejtat e minoriteteve janë në fokus të vizitës katërditore në Kosovë. Gjatë vizitës Hammarberg do të takojë përfaqësues ndërkombëtarë dhe përfaqësues të institucioneve të Kosovës dhe të organizatave joqeveritare si dhe autoritetet lokale në Prishtinë dhe Mitrovicë. thuhet në një njoftim të Zyrës së Komisionerit Hammarberg.