Hans Krankl ne pole-position
Jeton Selimi
Eshte Skender Fani, celesi i marreveshjes, menaxheri qe solli me pare kroatin, tani kerkon te beje bis me kontraten 2+2, qe pritet t’i ofrohet legjendes se futbollit austriak.
Nje dite me pare, ne faqen sportive te “KJ” eshte publikuar lista top-secret e trajnereve, kandidate te stolit kuqezi, qe i eshte dorezuar Komitetit Ekzekutiv nga presidenti Duka, ndersa sot gjithcka merr nje forme me konkrete, sepse nga ata 9 emra, nje eshte ne pole-position, austriaku Krankl, i cili ka ne krah te tij menaxherin Skender Fani, qe gezon autoritet te plote ne zyrat e katit te dyte.
Emri i Skender Fanit nuk del rastesisht sot ne skene. Personi qe beri te mundur “martesen” 16-mujore te Baricit me Kombetaren shqiptare dhe qe mundi te ndryshoje denimin e dhene nga UEFA nga dyer te mbyllura ne 37000 euro gjobe, do te sjelle nje tjeter emer te njohur te fushave te blerta mes kuqezinjve. Duket se eshte pikerisht ky fakt qe do te mposhte me siguri 8 kandidaturat e tjera, megjithate nuk perjashtohen surprizat ne castet e fundit. Juristi, qe gezon besimin e presidentit Duka, do te jete celesi i marreveshjes.
Por ende nuk dihet se ne cfare shumash do te rrotullohet kontrata e re e trajnerit kuqezi. Ajo qe eshte e sigurt eshte jetegjatesia e saj. Dy vite te sigurta dhe nje opsion per nje tjeter dyvjecar do te jete pjata e pare e menyse se FSHF-se. Megjithate, si ne cdo rast te ngjashem, ka edhe supozime. Ne rastin e Krankl, shifrat e kontrates nuk pritet te jene me te larta sa paga qe merrte Baric, madje pritet qe austriaku te perfitoje me pak nga c’perfitonte kroati.
Hans Krankl, nje trajner dhe nje kengetar
Johan (Hans) Kankrl eshte legjenda e futbollit austriak. Ai ka lindur me 14 shkurt 1953 ne Vjene. Ne paraqitjet e tij me Kombetaren ka regjistruar 69 ndeshje dhe 34 gola, ndersa kulmin e karrieres ne klube e ka njohur me Rapidin e Vjenes dhe Barcelonen. Krankl eshte golashenuesi i fitores historike 1-0 me Gjermanine Perendimore, duke futur ne historine e futbollit edhe komentatorin e asaj ndeshjeje me shprehjen e tij “Tor, tor, tor, tor, tor, tor, I werd narrisch” (“Gol, gol, gol, gol, gol, gol, po cmendem”). Ai ka drejtuar disa klube, por edhe Kombetaren e Austrise nga viti 2002 deri me 2005. Krankl eshte edhe nje muzikant. Ai eshte bere i famshem me singellin “Lonely Boy” ne vitin 1985.