Urdhri, tenderet te nisin aplikimet online

Blerina Hoxha
Te konkurrosh ne tender nepermjet internetit, pritet te behet nje praktike e zakonshme ne prokurimin e fondeve publike. Agjencia e Prokurimit Publik (APP), ka autorizuar tashme te gjitha entet qeveritare ne nivel qendror e lokal, qe ta perdorin sistemin e ri elektronik per prokurimet publike. Ne kete kuader, APP ka nisur dje takimet me organizatat e biznesit me qellim prezantimin e programit elektronik per aplikimin online ne tenderet publike. Takimet e para drejtuesit e APP e kane bere dje me Dhomen Amerikane te Tregtise, ku kane prezantuar kuadrin e ri ligjor, qe mundeson perdorimin e prokurimit elektronik ne Shqiperi, tiparet kryesore te sistemit, si dhe manualin e perdorimit te prokurimit elektronik per bizneset. Sistemi i prokurimit elektronik eshte ne perputhje me praktikat me te mira te BE-se dhe u testua me sukses gjate tenderit per blerjen e energjise nga KESH, qe u zhvillua ne muajin nentor, ku 4 firma paraqiten permes postes elektronike ofertat e tyre. Ekspertet thane se sistemi ne fjale redukton ne maksimum mundesite per korrupsion. Bazuar ne pervojen e vendeve te tjera, prokurimet elektronike permes ligjit te ri, duhet te rrisin konkurrencen ne treg, duke reduktuar me 5% deri ne 25% cmimet e paguara nga qeveria per mallrat dhe sherbimet qe ajo prokuron. Aplikimi i kesaj metode pritet te ule ne menyre te djeshme kostot e dyanshme te qeverise dhe biznesit. Qeveria nepermjet kesaj forme tenderimi pritet te shkurtoje ne maksimum shpenzimet administrative dhe kohen e punes. Por, gjithashtu, nje gare me e lirshme nga interneti dhe pa mundesi kontakti fizik me anetaret e komisioneve te tendereve shihet si nje mundesi per uljen e kostove te sherbimeve apo objekteve qe tenderohen. Nga ana tjeter kjo praktike pune pritet te lehtesoje mjaft bizneset nga burokracia e administrates dhe t’i cliroje ato nga “taksa” 10% qe edhe aktualisht vazhdojne ta paguajne rendom ne rast kur shpallen fitues. Raport i Komisionit Evropian mbi progresin e reformave, i publikuar se fundmi thote se ka progres te kufizuar ne fushen e prokurimit publik. Ne MSA, Shqiperia eshte angazhuar qe te beje perafrimin me legjislacionin e BE ne kete fushe. Progresi ne kete fushe eshte gjithashtu jetik per permiresimin e qeverisjes se sektorit publik, nje perparesi e Partneritetit Evropian, thuhet ne raport.