Harizaj: Kur piket jane llogaritur gabim, testi rivleresohet Luljeta Ndoka
Ndonese rregullorja e Matures Shteterore nuk parashikon asnje modalitet per procesin e ankimimit te maturanteve qe kane pretendime per noten, duket Agjencia Kombetare e Provimeve nuk do te jete kaq e ngurte. Kreu i kesaj agjencie, Alfons Harizaj, thote se rregullorja parashikon terheqje te nje kopjeje te testit, kundrejt nje pagese prej 400 lekesh, por jo rivleresim te tij. "Megjithekete, ne rastet kur ne do te shikojme se eshte bere ndonje gabim administrativ, i tipit, qe eshte vleresuar testi, por nuk eshte bere mire mbledhja e pikeve, sigurisht qe piket e munguara do te reflektohen ne rezultatin perfundimtar", - shprehet per "KJ" Alfons Harizaj, drejtor i Agjencise Kombetare te Provimeve, prane MASH. Sipas drejtorit Harizaj, procedura eshte e tille: Maturanti qe ka pretendim ne lidhje me rezultatin, brenda 4 ditesh qe nga dita e shpalljes se rezultateve zyrtarisht nga Ministria e Arsimit, ben nje kerkesen ne shkollen ku ka dhene provimin, per te marre nje fotokopje te testit. Gjithashtu maturanti ploteson edhe nje formular. Ky i fundit, ku gjenden pretendimet e maturanteve, dergohen nga te gjitha shkollat, ne drejtim te AKP-se. Specialistet e kesaj agjencie, sipas drejtorit Harizaj, i shikojne edhe nje here pretendimet e maturanteve, duke ballafaquar testin me celesin e pergjigjeve. Ne rast kur ata verejne se ka pasur nje mosmbledhje te mire te pikeve, atehere ky gabim administrativ, ndreqet, ne favor te maturantit qe pretendon se i eshte shkelur e drejta. Ne fakt, ne rregulloren e Matures nuk flitet asgje, as per ankimimin, as per rivleresimin e testeve. Duket se AKP do ta gjeje zgjidhjen sipas rasteve dhe vertete aty ku eshte gabuar nga specialistet. Kjo do te beje qe maturantet te gjejne nje dere te hapur dhe qe do t'u jape nje zgjidhje, nga ana e specialisteve te Agjencise Kombetare te Provimeve. Ne te gjithe rregulloren prej disa faqesh, ekziston vetem nje nen qe u jep maturanteve vetem te drejten per ta fotokopjuar testin. Kesisoj ne piken 8 te nenit 47 thuhet tekstualisht: "Maturanti/kandidati ka te drejte te kerkoje fotokopjen e testit te tij pas perfundimit te te gjitha provimeve, me nje kerkese drejtuar KMSh-se se DAR/ZA-se. Afatet e kerkeses percaktohen me nje udhezim te vecante nga MASH". Por, nuk flitet per asnje mundesi rivleresimi te rezultatit, kur dyshohet se ai nuk eshte i sakte. Nje gje e tille eshte argumentuar nga Ministria e Arsimit me faktin se jane forcuar rregullat e vleresimit te provimeve. Sipas pikes 10 te nenit 50, vleresimi i testeve realizohet ne 6 qendra vleresimi. Po ashtu, cdo pergjigje e testit i nenshtrohet nje vleresimi te dyfishte, te pavarur nga njeri-tjetri. "Ne rastet kur ka mosperputhje te vleresimit, midis dy vleresuesve, pergjegjesi i vleresimit aktivizon nje vleresues te trete per te kryer vleresimin perfundimtar. Ne kete rast, pergjegjesi i vleresimit firmos ne tabelen e vleresimit te testit, se bashku me vleresuesin e trete", - thuhet ne rregullore.
Nis korrigjimi i Matematikes, rezultatet pas dy javesh
Nis korrigjimi i provimit te Matematikes. Testet jane derguar ne 6 qendrat e vleresimit dhe do t'i nenshtrohen nje vleresimi te dyfishte, te pavarur nga njeri-tjetri. "Vleresuesit nuk mund te bejne shenime ne test, me perjashtim te esese ku evidentohen gabimet drejtshkrimore", thuhet ne nenin 50 te rregullores. Nga ana tjeter, mesohet se vleresimet me pike per cdo kerkese te testit i pasqyrojne ne formularet perkates. Rakordimi i vleresimeve te dy vleresuesve te pavarur, behet ne fund te cdo dite vleresimi. "Ne rastet kur ka mosperputhje te vleresimit, midis dy vleresuesve, pergjegjesi i vleresimit aktivizon nje vleresues te trete per te kryer vleresimin perfundimtar. Ne kete rast, pergjegjesi i vleresimit firmos ne tabelen e vleresimit te testit, se bashku me vleresuesin e trete", - thone burime nga Agjencia Kombetare e Provimeve. Nga ana tjeter, mesohet se te gjitha provimet e Matures Shteterore do te korrigjohen ne menyre manuale.
Rreth 145 teste dyshohen per kopje, rezultatet pas nje jave
Nga korrigjimi i testit te Gjuhe-Letersise rreth 145 maturante nuk kane marre akoma pergjigjen e notes. Sipas drejtorit te arsimit parauniversitar ne MASH, Fatmir Vejsiu, dyshohet se keta maturante kane kopjuar, por gjithcka do te sqarohet ne ditet ne vazhdim. Sipas Vejsiut, shumica prej ketyre testeve kane levizje shume te madhe te notes, si per shembull kane qene nxenes te peses dhe kane marre nente. Per kete kategori, do te kete nje tjeter procedure, ajo e ngritjes se nje komisioni te posacem nga ana e Ministrise se Arsimit dhe Shkences. Sivjet vihet re qe ne provimin e Gjuhe-Letersise jane marre me pak katra dhe me shume 10-ta se vitet e kaluara. Per sa i takon hartezimit te vleresimit, maturantet e Tiranes kane rezultuar me te shkelqyer. Tashme sfida e radhes se maturanteve jane provimet me zgjedhje. Testi i vetem per 2 lende me zgjedhje do te jepet me daten 30 qershor dhe do te zgjase 3 ore.