Haxhinasto: PS te kthehet ne Kuvend, Edi Rama ben opozitarizem destruktiv

Levizja Socialiste per Integrim apeloi serish ndaj Partise Socialiste qe te ktheje deputetet e saj ne Kuvendin e Shqiperise. Nenkryetari i LSI, Edmond Haxhinasto, permes nje konference per shtyp, shpreh dje keqardhjen per vazhdimin nga ana e lidershipit te PS-se te kursit te saj absurd politik te opozites destruktive, qe vetem politike e re nuk mund te jete. "Ne vleresojme se axhenda e re e bojkotit dhe e protestave nuk eshte shprehje e vullnetit te shqiptareve dhe e detyrimeve e pergjegjesive opozitare te PS-se per te kontribuar ne kete moment historik te procesit te integrimit", vleresoi Haxhinasto. Sipas tij, kjo rruge politike nuk eshte as ne funksion te reformes zgjedhore, zgjedhjeve te lira e te ndershme, dhe as te forcimit te institucioneve ne Shqiperi, sic po pikturohet rendom fasada e ketyre protestave. Ai theksoi se nese vertete lidershipi i PS-se i ka keto objektiva, te zere vendin e saj ne parlament dhe te drejtoje reformen zgjedhore. "Te degjoje zerat ne rritje te Komisionit Evropian, te Olli Rehn, te perfaqesuesve te nderuar te vendeve mike, por edhe te Partise se Socialisteve Evropiane qe i thane asaj qartazi se "duhet te luaje sipas rregullave te lojes" dhe te kthehet ne Parlament", kerkoi zyrtari i larte i LSI. Sipas Haxhinastos, me kete destruktivitet dhe politike te vjeter, PS po shkel te drejten e shumices se shqiptareve qe nuk votuan per te, po shkel te drejten e tyre per qeverisje me te mire dhe anetaresim te shpejte ne Bashkimin Evropian. Partia Socialiste prej fillimi te sesionit te ri parlamentar ka bojkotuar kete institucion, duke e kushtezuar hyrjen e saj ne parlament me hapjen e kutive te zgjedhjeve parlamentare te 28 qershorit dhe hetimin e ketyre zgjedhjeve.

MORATORIUMI

"Levizja Socialiste per Integrim, por dhe Qeveria do ta beje krejtesisht te pa nevojshem kete moratorium, sepse shume shpejte shqiptaret do te levizin te lire. Dhe kjo gje i sherben pikerisht ketij procesi te liberalizimit te vizave", komentoi Haxhinasto, shtyrjen dhe me tre vite te tjera ligjin per moratoriumin mbi skafet.