Haxhinasto: Pas tryezës opozita në Kuvend

Nënkryetari i LSI-së, Edmond Haxhinasto, në një prononcim për "Ora News", u shpreh se pret që kjo tryezë t'i japë fund krizës politike në vend. "Pas kësaj tryeze pres që opozita të kthehet në Kuvend dhe debati të realizohet brenda institucioneve", u shpreh ai. Haxhinasto theksoi se ky ngërç politik nuk duhet të ishte krijuar dhe nuk duhej arritur deri në ndërhyrjen e Presidentit për të ulur palët në tryezë.
"Kjo situatë nuk duhet të ishte krijuar. Nuk duhet të ishte dashur ndërhyrja e presidentit për t'u ulur në tryezë palët. Institucioni i presidentit ka detyra kushtetuese të tjera dhe jo të ulë në tryezë palët. Fajtore për këtë është opozita që nuk ka respektuar insitucionet", argumentoi ai.