Haxhiymeri: Te rikthehet Nano, nismat e Rames deshtuan

Kthimi i Fatos Nanos, ne drejtimin e Partise Socialiste, shihet nga mjaft drejtues te selise roze si nje mundesi per t’i dhene opozites shqiptare me shume produktivitet. Anetarja e Kryesise se PS-se, Edlira Haxhiymeri, deklaroi dje se kthimi i Fatos Nanos eshte i domosdoshem duke pare se Partise Socialiste, ne gjendjen aktuale ku i mungojne idete. Haxhiymeri thekson se ish-kryetari ka dhene shembuj personal ne mbrojtje te ideve te majta. “Fatos Nano eshte njeriu qe i dha PS-se, jo vetem vitet me te mira te produktit te vet politik, por i dha PS-se vite nga jeta, u mbyll ne burg per idealin e PS. Une mendoj, duke vleresuar gjithe aktoret dhe faktoret ne parti, se Fatos Nano eshte i domosdoshem ne PS”, u shpreh Haxhiymeri. Anetarja e Kryesise se Partise Socialiste, shprehet se klima qe krijoi Nano ne seline roze, ka qene ajo e ideve te ndryshme dhe e promovimit te personaliteteve dhe kapaciteteve politike. “Ne PS ka shteruar mendimi dhe ka nje varferie te politikes se saj. Kjo eshte shprehje e faktit se kapacitete dhe personalitetet kane dale tashme jashte loje”, thote Haxhiymeri, duke vleresuar se rikthimi i ish-kryetarit eshte nje domosdoshmeri per Partine Socialiste. Edhe perfaqesues te tjere te Partise Socialiste, si Ylli Manjani dhe ish-nenkryetarja e Kuvendit, Makbule Ceco, kane mbeshtetur idene e nje ndryshimi te lidershipit te Partise Socialiste me rikthimin e ish-kryetarit, duke e cilesuar fazen e drejtimit te PS-se nga ai, si me te miren ne historine e se majtes. Ne kete linje, eshte dhe anetarja e Kryesise, Edlira Haxhiymeri, e cila kritikon dhe disa prej zhvillimeve te fundit ne PS. Ajo deklaron se bojkoti dhe protestat e opozites rezultuan te deshtuara pas nje viti dhe ne kete linje, lidershipi aktual shfaqet pa ide. Nje pike tjeter e debatueshme ne vendimet e lidershipit te PS, sipas Haxhiymerit, eshte dhe ajo qe ka te beje me shkrimin e partise G99 me PS-se. Haxhiymeri vlereson se Partia Socialiste nuk ka nevoje per arnime, por per vlera reale dhe per kontribute konkrete. “Ka gjithmone nevoje per figura te reja, figura qe kane lidhje me partine dhe politiken qe vijne natyrshem ne PS dhe per t’i kontribuar asaj. Arnime apo sforcime te tilla mendoj se nuk i sherbejne aspak partise PS”, u shpreh Haxhiymeri. Q.Xhani

Shkrirja
“Ka gjithmone nevoje per figura te reja, figura qe kane lidhje me partine dhe politiken qe vijne natyrshem ne PS dhe per t’i kontribuar asaj. Arnime apo sforcime te tilla si me G99, mendoj se nuk i sherbejne aspak partise PS”, deklaron Haxhiymeri.

REAGIMET
Qytetaret apel per kthimin e Nanos
Nuk jane vetem drejtuesit te strukturave te Partise Socialiste ata qe mendojne se rikthimi i ish-kryetarit te partise, mund te ndryshoje gjendjen e se majtes. Te njejtin opinion, ndajne dhe qytetare te thjeshte dhe anetare te bazes socialiste ne zona te ndryshme te vendit. “Rikthimi i Nanos i ben pune Shqiperise dhe opozites”, deklaron nje qytetar nga Elbasani. Ndersa nje tjeter nga Vlora shprehet se: “Nano duhet te ishte kthyer me pare, se po te ishte ai nuk do te vepronte ne keto menyra, duke dale kunder Evropes. Nano duhet te vije patjeter ne krye te PS”. Te njejtin mendim ndajne dhe qytetare te tjere nga Shkodra dhe Gjirokastra.