Henri pranë largimit, Siti "përgjon"

Megjithëse marrëveshja mes klubit katalanas dhe ish-kapitenit të Arsenalit skadon në fund të vitit 2011, Henri nuk është në planet e trajnerit Pep Guardiola për sezonin e ardhshëm. Në këtë mënyrë, francezi është i interesuar të gjejë një ekip të ri sa më shpejt të jetë e mundur.

Mançester Siti ka pasur kontakte edhe më parë me sulmuesin francez, edhe pse dëshira e vetë lojtarit është të rikthehet te Arsenali. Nëse Tieri Henri i bashkohet “Citizens”, do të gjejë në ekip edhe emra të tjerë me të cilët ka luajtur në të kaluarën, si Adebajor, Ture, Silvinjo dhe Vieira.