Heqja e TVSH-se per bujqesine jo ne dogane, por me para’ ne dore Eglantina Nasi

Fermeri i cili do bleje plehra kimike, fara, fidane, pajisje per sera etj, dhe kerkon te perfitoje nga ligji i ri per heqjen e Tatimit mbi Vleren e Shtuar ndaj tyre, nuk duhet ta prese kete qe ne momentin e pare. Por pasi t’i paguaje ato me cmimin real, ai duhet ta coje faturen e tyre ne drejtorine rajonale te Ministrise se Bujqesise. Dhe aty, ai do te paguhet me leke ne dore per rimbursimin e TVSH-se. Duke perfituar ne kete menyre nga masa lehtesuese e propozuar prej qeverise per heqjen e saj ndaj inputeve bujqesore ne teresi. Ky eshte ndryshimi thelbesor, i realizuar ne ligjin perkates "Per TVSH-ne", dhe qe gjeti dje miratimin nga ana e deputeteve te komisionit parlamentar te Ekonomise. Ne kete menyre, sipas tyre, nuk do te kete vend per abuzime nga ana e importuesve te inputeve bujqesore ne teresi me lehtesimin e ketij lloj taksimi. Dhe se fermeri, do te jete perfituesi real i tij, duke patur ne dore, parate e heqjes se TVSH-se per mallin qe ai ka blere, gjithmone ne funksion te investimeve ne sektorin e bujqesise, por edhe rritjen e metejshme te prodhimit qe ai realizon. "Skema e rimbursimit se TVSH-se, ne fakt do te jete nje skeme e kompensimit te TVSH-se. Te gjithe ata bleres qe kryer blerje te lendeve te para bujqesore si plehra kimike, fara etj, i kane blere tek subjektet e regjistruar me TVSH. Kundrejt ketyre, blerjeve ata kane marre faturat e TVSH-se. Fermeri, do t’i marre faturat dhe do te kaloje tek agjencite qe jane aktualisht prane drejtorive rajonale prane bashkise dhe aty do te beje kerkesen e tij per kompensim te TVSH-se", sqaroi kete detaj te ri te ligjit, drejtorja e politikave fiskale ne Ministrine e Financave, Arjana Dyrmishi. Duke argumentuar se nje proces i tille, i sherben ne radhe te pare fermerit, duke e bere ate si perfituesin kryesor dhe te drejtperdrejte, prej kesaj mase lehtesuese fiskale te ndermarre nga qeveria. Fakt ky, me te cilin duket se nuk ishin dakord deputetet e opozites ne komisionin parlamentar te Ekonomise. Sipas te cileve, ndryshimi i nje mase te tille, le vend per abuzime. “Shqetesimi kryesor sot per biznesin eshte rimbursimi i TVSH-se pasi asnjehere nuk kryhet sic duhet dhe le vend per abuzime. Si mund te menaxhohen kerkesat kur ne total jane afro 350 mije fermere?”, deklaroi deputeti i PS-se, Arben Malaj. Por ekspertja e ministrise se Financave, nga ana e saj, siguroi se rimbursimi i TVSH-se ne kete forme, eshte teresisht i menaxhueshem. Ndersa tha gjithashtu edhe se Ministria e Bujqesise, nga ana e saj, po punon per te bere te mundur nje aplikim sa me te shpejte te skemes se re.