Hidrocentralet, Berisha: Rama alternative kercenuese Rozeta Rapushi

Kryeministri Sali Berisha, firmosi dje dokumentin zyrtar, lejen e ndertimit te hidrocentraleve ne kaskaden e Devollit, ku theksoi se ne ndertimin e kesaj vepre do te punesohen 5-6 mije persona. Ndersa shtoi, se ky eshte investimi me i madh i huaj i bere ndonjehere ne vendin tone, mbi 800 milione euro. Nga Kukesi, kreu i qeverise replikoi edhe me kreun socialist, Edi Rama, duke denoncuar alternativen e tij per rritje taksash dhe anulim te koncesioneve, si kercenuese. “Sot firmosa dokumentin zyrtar, lejen e ndertimit te hidrocentraleve ne kaskaden e Devollit. Ndertimi i hidrocentraleve ne kaskaden e lumit Devoll, do behet nga kompania publike norvegjeze Statkraft, qe eshte dhe numri nje ne Europe dhe ne bote per ndertimin e hidrocentraleve. Kjo kompani do te investoje ne kete veper mbi 800 milione euro dhe ky eshte investimi i huaj me i madh qe eshte bere ndonjehere ne vendin tone”, - u shpreh kreu i qeverise. Sipas tij, punimet per ndertimin e kaskades fillojne keto dite me hidrocentralin e Banjes. “Me perfundimin e ketyre hidrocentraleve, Shqiperia jo vetem ploteson nevojat e veta per energji por dhe do eksportoje”, - siguroi kreu i qeverise. Gjate dites se djeshme, Berisha inauguroi edhe dy hidrocentrale mbi lumin Luma, ne gryke te Vanave, ne rrethin e Kukesit. Hidrocentrali eshte nje investim me vlere 32 milione euro dhe ne kaskaden e lumit Luma po ndertohen gjithsej 10 hidrocentrale, te cilat prodhojne energji aq sa prodhon hidrocentrali i Ashtes. Ne kete kuder, Berisha kritikoi qendrimin e alternatives se majte, qe kercenon me anulimin e koncesioneve. “Ne krahun tjeter eshte alternativa e kercenimit, alternativa qe thote do te anuloj koncesionet, qe thote do te vendos taksat e larta, qe deklaron se do te krijoje zyre speciale prane Kryeministrit, enderr qe nuk do t’i realizohet ndonjehere. Thote do t’i anuloje koncensionet dhe do te rrise taksat. Jo zoteri, taksat do te ulen edhe me tej, sepse keto ujera duhet te kthehen ne te mira per shqiptaret. Ato nuk duhet te perdoren vetem per vaditje, por duhet te perdoren edhe per vaditja, edhe per energji, duhet te marrim sa me shume prej tyre”, - theksoi kreu i qeverise. Ndaj Berisha ftoi te gjithe te votojne koalicionin e djathte ne 23 qershor dhe te punohet per zgjedhjet me te qyteteruara, me te bukura dhe te standardeve me te larta. “Le te votojme per projektin, Shqiperia vend i zhvilluar, te votojme per ndertimin ne Shqiperi te nje infrastrukture moderne ne cdo skaj te saj, per ndertimin e nje sistemi shkollor modern ne cdo fshat te saj, per ndertimin e ujesjelles kanalizimeve ne cdo kend te ketij vendi. Te votojme per rritjen e rrogave dhe pensioneve”, - beri thirrje Berisha.