Pak femra ne lista, PD PS dhe LSI, 14 mln gjobe Rozeta Rapushi

Komisioni Qendror i Zgjedhjeve gjobit partite politike per mungesen e kandidateve femra ne listat shumeemerore te kandidateve per deputete ne te 12 qarqet e vendit. Plot 14 milione leke ne total, shkon gjoba qe dy partite e medha politike, Partia Demokratike, Partia Socialiste por edhe Levizja Socialiste per Integrim, duhet te paguajne si rezultat i perjashtimit te femrave nga listat e kandidateve per deputete dhe mos plotesimit te kriterit te percaktuar ne Kodin Zgjedhor, ku 30 per qind e kandidateve ne zgjedhje, duhet te jene femra. Gjoben me te madhe e mori Partia Socialiste. Gjate mbledhjes se pasdites se djeshme, KQZ konstatoi se Partia Socialiste nuk ka respektuar kriterin gjinor, pra perfaqesimin e grave ne gjashte qarqe si, Gjirokastra, Elbasani, Durresi, Kukesi dhe Dibra. Per kete arsye, gjoba ndaj PS-se, u vendos 6 milione leke, perkatesisht 1 milion per cdo qark. Nderkohe qe Partia Demokratike, po per mospermbushjen e kriterit te perfaqesimit gjinor ne kater qarqe, Elbasan, Kukes, Diber dhe Berat, u gjobit me 4 milione leke. E njejta shume gjobe u vendos edhe per Levizjen Socialiste per Integrim (LSI), e cila nga shqyrtimi i listave shumeemerore te kandidateve per deputete, rezultoi se nuk kishte plotesuar kuoten e perfaqesimit te grave ne kater qarqe. Me konkretisht ne Berat, Kukes, Durres dhe Gjirokaster. Perkatesia gjinore e listave eshte nje nga kerkesat kryesore te kodit zgjedhor i cili kerkon qe ne listat e partive politike kandidatet per deputete te jene te pakten 30% femra. Kodi Zgjedhor parashikon saktesisht ne nenin 67 te tij se “per cdo zone zgjedhore, te pakten tridhjete per qind e listes shumeemerore dhe nje ne tre emrat e pare te listes shumeemerore duhet t’i perkase seciles gjini. Subjekti paraqites i listes deklaron vendet, sipas kuotes gjinore, me qellim zbatimin e perjashtimit, sipas pikes 2 te nenit 164 te ketij Kodi”. Pikerisht per shkeljen e ketij neni, po ne Kodin Zgjedhor percaktohet qarte ne nenin 175 te tij per partite politike, se mospermbushja e ketij detyrimi, ne lidhje me perberjen e listes, denohet nga KQZ-ja me gjobe 1.000.000 leke ne rastin e zgjedhjeve per Kuvendin dhe 50.000 leke ne rastin e zgjedhjeve per organet e pushtetit vendor.

Lista e partive politike qe u miratuan dje ne KQZ

Partia e te Drejtave te Mohuara

Partia Socialiste

Partia Demokratike

Partia Levizja Socialiste per Integrim dhe Unitet

Partia per Drejtesi Integrim dhe Unitet

Partia Social Demokrate

Partia Emigracioni Shqiptar

Partia Bashkimi Liberal Demokrat

Partia Lidhja per Drejtesi dhe Progres

Partia Rruga e Vertete Shqiptare

Aleanca Kuq e Zi