Historike për Shqipërinë, Colturi renditet e dyta në Kampionatin Botëror të Skive

TIRANË, 23 nëntor/ATSH/ Përfaqësuesja e Shqipërisë, renditet në vendin e dytë në Kampionatin Botëror të Skive.

Skiatorja e Tiranës, Lara Colturi ka arritur të renditet e dyta në Slalomin e “Gyrgl” të Austrisë, duke zhvilluar një nga garat me emocionuese të sezonit deri më tani, ku 18-vjeçarja kuqezi ka hyrë për herë të parë në podium duke u renditur e dyta pas Mikaela Shiffrin.

Kryeministri Edi Rama ndau në rrjetet sociale foto nga gara e zhvilluar nga skiatorja shqiptare, ndërsa thekson se për herë të parë flamuri shqiptarë valëvitet në podiumin e një kampionati botëror të skish

“Skiatorja Lara Colturi, e cila përfaqëson Shqipërinë në Kampionatin Botëror të Skive, ka arritur një rezultat historik, duke u renditur e 2-ta në këtë gatë të rëndësishme sportive, dhe duke e ngritur për herë të parë flamurin shqiptar në podiumin e një kampionati botëror skish”, shkruan Rama.

Skiatoren Colturi e uroi edhe kryebashkiaku i Tiranës, Erion Veliaj, i cili e quajti një superlajm.

“Superlajm! Skiatorja e KS Tirana, Lara Colturi, renditet e 2-ta në Kampionatin Botëror të Skive. Për herë të parë, flamuri shqiptar do të ngrihet në podiumin e një kampionati botëror skish”, shkruan Veliaj.

Ndalesa e radhës do të jetë në Killington pas 1 jave për Larën dhe për ekipin e saj, por për momentin duhen shijuar këto çaste për të gjithë me një krenari të madhe.

Skiatorja Lara Colturi renditet e dyta në botërorin e skive 1 nga 8