Hoti: Asgjë e keqe nga ndërtimi i autostradës Prishtinë – Nish
Duke folur për bisedimet në mes të Kosovës dhe Serbisë dhe idenë që të realizohet kjo autostradë, Hoti ka thënë se “”nuk ka asgjë të keqe nga ndërtimi i rrugëve, përveç fitimeve nga ana e bizneseve”, por ai nuk beson në realizimin e kësaj ideje.
“Thaçi ka tendencë me dhënë premtime që s’mund të realizohen” ka thënë Hoti.
Nga ana tjetër, Hoti ka qenë shumë i ashpër me projektbuxhetin për vitin 2013.
Hoti ka akuzuar se kjo shpërndarje nuk është e drejtë dhe nuk është bërë në mënyrën e drejtë dhe si e tillë mund të sjellë vetëm varfëri.
“LDK do të kushtëzojë këtë buxhet nëse nuk do të merren parasysh rekomandimet e saj. Në këtë mënyrë ne nuk do të votojmë këtë projektbuxhet”, ka thënë Hoti në KTV.
Në intervistë ai po ashtu ka treguar edhe detaje të buxhetit duke u koncentruar në infrastrukturë dhe arsim në të cilat shihen dallimet e mëdha në komunat që udhëheqë PDK-ja.
“Ky është keqpërdorim i parasë publike” tha Hoti.