Hungaria pret ‘valë’ refugjatësh nga Ukraina javën e ardhshme

Hungaria pret të shohë një “valë më të madhe refugjatësh” që vijnë në vend javën e ardhshme nga Ukraina.

Duke folur në një video të postuar në Facebook gjatë një vizite në një pikë kalimi pranë kufirit të Hungarisë me Ukrainën dhe Rumaninë, Kryeministri i Hungarisë Viktor Orban tha se më shumë roje kufitare do të vendosen atje javën e ardhshme për të trajtuar fluksin e shtuar, raporton BBC

Deri më 14 mars, rreth 263,888 ukrainas kishin kaluar kufirin për në Hungari, sipas mbikëqyrësit të të drejtave të njeriut të OKB-së.

Të mërkurën, një këshilltar i Orban tha për mediat hungareze se zyrtarët prisnin të merrnin mbi 900,000 refugjatë deri në fund të luftës.

Megjithatë, numri i refugjatëve që mbërrijnë në Hungari ka rënë ndjeshëm gjatë javës së kaluar.