Hysa: Barrikadat të patolerueshme

Pas vendimit të djeshëm të Qeverisë për ndarjen e 900 mijë eurove për ndërtimin e shtëpive të shqiptarëve në Kroin e Vitakut, serbët kanë vënë barrikadë për të bllokuar drejtpërdrejt lëvizjen e qytetarëve.

Koordinatori për implementin e strategjisë për veriun, Ylber Hysa ka thënë për Kosovapress se një veprim i tillë është i patolerueshëm.

Ai bëri këtë deklaratë ditën e premte gjatë vizitës së tij në Kroin e Vitakut.

Sipas tij, serbët deri tani kanë propaganduar se janë duke bllokuar rrugët kundër qarkullimit të KFOR-it dhe EULEX-it, por tani kjo barrikadë është për të bllokuar bashkëqytetarët e tyre me qëllim të mos lejimit të rindërtimit të shtëpive të djegura gjatë luftës, si dhe për pengim të rregullimit të infrastrukturës së kësaj lagjeje.