Hysi kercenon me reformen zgjedhore Nuk i votojme ndryshimet nese digjen fletet e votimit
Partia Socialiste nuk do te marre pjese ne reformen zgjedhore nese Komisioni Qendror i Zgjedhjeve do te djege te premten fletet e votimit. Nenkryetarja e Grupit Parlamentar te Partise Socialiste Vasilika Hysi sqaroi se ne kohen kur PS-ja eshte duke ngritur komisionin hetimor fletet e votimit nuk duhet te digjen. Keshtu KQZ-ja ka blere 500 litra benzine per djegien e tyre. Por per socialistet djegia e ketyre fleteve do te perkthehet dhe ne venien e flakes negociatave PD-PS dhe thellim te krizes politike gje qe do te kaloje jo pa pasoja. Diskutimi ne KQZ per kutite vjen ne nje kohe kur politika ende nuk ka zgjidhur ceshtjen e komisionit hetimor te lidhur drejtperdrejt me permbajtjen e kutive.
Deklarata
Te diskutosh ceshtjen e djegies se fleteve te votimit ne nje kohe kur ne ende jemi ne negociata dhe po diskutojme ngritjen e komisionit hetimor parlamentar eshte ti hedhesh benzine zjarrit cka do te thote qe kriza politike do te thellohet dhe nuk do te zgjidhet. Djegia e fleteve te votimit do te thote stopim i negociatave. Partia Socialiste nuk do te jape me pas konsensusin per reformen zgjedhore dhe per te gjitha ligjet per te cilat kerkohen votat e opozites - tha deputetja socialiste Vasilika Hysi.
Vendimi
Komisioni Qendror i Zgjedhjeve ka marre vendimin se diten e premte me date 17 shtator do te djege fletet e votimit te zgjedhjeve parlamentare te 28 qershorit 2009. Vendimi ka ardhur pas percaktimit te dates se zgjedhjeve lokale nga presidenti Bamir Topi. Me afrimin e zgjedhjeve elektorale partite politike duhet te angazhohen per te kryer reformen zgjedhore. Kreu i KQZ-se Arben Ristani deklaroi dy dite me pare se institucioni i KQZ-se ka bere gati draftin me propozimet per reformen zgjedhore. Por nga ana tjeter deputetja Hysi ka kercenuar maxhorancen se nuk do te behet pjese e ndryshimeve te Kodit Zgjedhor pa u bere transparenca e zgjedhjeve te kaluara. Ristani ka deklaruar se drafti qe do ti dorezohet Kuvendit ka si ndryshim kryesor rritjen e qendrave te numerimit te votave. Ristani e sheh per votimin elektronik si shume te mundshem. Ai u ka bere thirrje partive politike te nisin punen. Shtimi i numrit te qendrave ku numerohet pra nga 66 qendra numerimi do te duhet te jene me shume qe te pershpejtohet procesi i numerimit. Duhen bere ndryshime te atilla ne Kod qe te pengonin politikat bllokuese te forcave politike te cilat marrin pjese ne zgjedhje. Partite politike kane nje akses te pakufizuar dhe nje mundesi te pakufizuar qe ti ndryshojne komisioneret deri ne momentin e fundit gje qe ka sjelle si pasoje futjen ne proceset zgjedhore te njerezve te patrajnuar. Kjo mund te pengohet me nje ndryshim te thjeshte ligjor - eshte shprehur Ristani.
15 Shtator 2010