I akuzuar për trafik droge- SPAK kërkon 17 vite burg për Islam Sefën
Struktura e Posaçme kundër Korrupsionit dhe Krimit të Organizuar (SPAK) ka lexuar konkluzionet përfundimtare në çështjen penale ndaj Islam Sefës, i akuzuar për veprën penale të “trafikimit të lëndëve narkotike”. SPAK kërkoi dënimin e tij me 17 vite burg, por për shkak të gjykimit të shkurtuar, dënimi ulet në 11 vite e 4 muaj burgim.
Islam Sefa u arrestua në korrik të vitit 2024, vetëm 100 metra larg godinës së SPAK, ku kishte shkuar për një takim me avokatin e tij.
Sipas hetimeve të SPAK, Sefa ka qenë drejtues dhe financues i 9 episodeve të trafikut të drogës drejt Gjermanisë, me një vlerë të përgjithshme që arrin në rreth 3.3 milionë euro.
/rtsh.al/