I dyshuari për krime lufte do të kandidojë për kryetar bashkie

ZAGREB- Branimir Glavas, deputeti kroat i cili akuzohet për krime lufte deklaroi sot se do të kandidojë për kryetar bashkie të Osijek në zgjedhjet e ardhshme lokale që do të zhvillohen ne maj të 2009.

Glavas dhe 6 shtetas të tjerë janë në hetim për përpjekje për tortura dhe vrasje të civilëve serbë në Osijek në 1991.
Vendimi i Glavas u mor për shkak të mosmarrëveshjeve me Anto Djapic, lideri të djathtës i Partisë për të Drejtat Kroate HSP, partia e dytë në Osijek.

Partia e Djapic, HSP dhe e Glavas, Bashkimi Demokratik kroat i Slavonia dhe Baranja, HDSBB kanë drejtuar në koalicion këtë bashki deri në 2007.

Djapic akuzon Glavas se është shkaktar i vështirësive financiare të një klubi futbolli, NK Osijek, ku Glavas është presidenti.

Glavas beson se procesi gjyqësor ndaj tij do të pëfundojë në pranverë, dhe ai do të deklarohet i pafajshëm.
Presdienti i HDSSB, Vladimir Sisjagic tha se partia pranoi kandidaturën e Glavas dhe shtoi se “nuk sheh ndonjë pengesë që Glavas të kandidojë për kryetar bashkie në Osijek.

Glavas u lirua nga burgu pasi parlamenti kroat i garantonte atij imunitet, ndërsa 6 të arrestuarit e tjerë u liruan më vonë.

(s.g/BalkanWeb)