I rrjedh gazi, automjeti digjet në qendër të Shkodrës

Lajmi bëhet i ditur nga burime pranë policisë së kryeqendrës së veriut, të cilët saktësojnë se automjeti ishte tip Golf me targa SH 13 68.

Pas informacionit të marrë, në vendngjarje kanë mbërritur menjëherë forcat speciale të zjarrfikësve, të cilat kanë arritur ta shuajnë plotësisht zjarrin.

Në të njëjtën kohë kanë mbërritur edhe forcat e policisë, të cilat në bashkëpunim me ekspertët e zjarrfikësve, në bazë të hetimeve të bëra, kanë konstatuar se shkaku i rënies së zjarrit ka ardhur si rezultat i rrjedhjes së gazit, me të cilin funksiononte automjeti.

Në momentin e rënies së zjarrit në automjet ishin disa persona, të cilët kanë arritur të dalin n kohë nga makina./Start/

                                                                                             2012-05-12 08:14