ILDKP-ja kallëzon penalisht tre zyrtarë për “fshehje dhe mosdeklarim të pasurisë”
21/02/2011 Kreu i komunës Dajt miliona të padeklaruara
Sinan Shala i komunës Gosë ka përfituar në mënyrë të paligjshme 200.000 euro
Inspektorati i Lartë i Deklarimit dhe Kontrollit të Pasurive (ILDKP), me anë të një njoftimi të shpërndarë për mediat ditën e djeshme, njofton se ka ngritur kallëzime penale për dy zyrtarë lokalë dhe një punonjës të administratës tatimore, me akuzën “mosdeklarimi, fshehja ose deklarimi i rremë i pasurive”. Gjatë kontrollit të ushtruar nga ky institucion rezulton se Kujtim Qefalia, kryetari i komunës Dajt në Tiranë, Sinan Shala, kryetari i komunës Gosë të Kavajës, si dhe Adrian Zhupa, me detyrë përgjegjës i Agjencisë Tatimore Tepelenë, rezultojnë se kanë në zotërim pasuri më shumë sesa kanë vetëdeklaruar.
Kallëzimet
Në përfundim të kontrollit të plotë për interesat private të vetëdeklaruara nga subjekti Kujtim Qefalia, me funksion kryetar i komunës Dajt, Inspektorati i Lartë konstatoi këto probleme: Qefalia, gjatë hetimit administrativ ka rezultuar se nuk ka një burim të identifikueshëm për krijimin e pasurisë së krijuar ndër vite nga ana e subjektit. Në vitin 2007, subjekti ka shitur 100 % të aksioneve të tij në shoqërinë “Vllaznia” sh.p.k, në shumën 65.000.000 lekë. Të ardhurat e kësaj shoqërie, nga viti 1999 deri në momentin e shitjes nuk janë tërhequr nga subjekti, por janë përdorur vetëm për rritjen e kapitalit themeltar. ILDKP ka krijuar dyshime të arsyeshme lidhur me mënyrën e shitjes së pjesëve në kapital të kësaj shoqërie tek një person i afërt me subjektin, jashtë sistemit bankar. I pyetur për problematikën e evidentuar, subjekti nuk ka dhënë sqarime bindëse në ILDKP dhe nuk ka dorëzuar dokumentacionin përkatës që justifikon pretendimet e tij. Në përfundim të kontrollit të plotë dhe hetimit administrativ, ILDKP arriti në përfundimin se subjekti Kujtim Qefalia ka bërë deklarim të rremë, ka fshehur pasurinë me vlera të konsiderueshme, si dhe nuk ka burime të ligjshme të mjaftueshme për të justifikuar krijimin e tyre. Bazuar në këto konkluzione, Inspektorati i Lartë ia referoi çështjen organit të prokurorisë për fillimin e ndjekjes penale. Inspektorati i Lartë, në përfundim të kontrollit të plotë për subjektin Sinan Shala, me funksion kryetar komune në Gosë, Kavajë, ka konstatuar se subjekti në fjalë ka përfituar në mënyrë të paligjshme disa kabina plazhi së bashku me truallin, pronë publike, të ndodhura në zonën e plazhit të Karpenit, Kavajë. Këto asete më pas i ka shitur me vlerë reale 200.000 euro, por të deklaruara në ILDKP si të shitura në vlerën 5 milionë lekë. Nga verifikimet e kryera nga Inspektorati i Lartë janë administruar me cilësinë e provës dy kontrata shitjeje me të njëjtin objekt dhe të njëjtat palë kontraktore. Në kontratën e depozituar nga subjekti në ILDKP, vlera e shitjes ishte 5 milionë lekë, ndërsa kontrata mbi bazën e të cilës është bërë edhe shlyerja totale e vlerës, e cila është zbuluar gjatë hetimit administrativ të ILDKP, është 200.000 euro.
Shkeljet e Kujtim Qefalisë
a- Mosdeklarim i tri trojeve me sipërfaqe 1110 m2, ku njëri prej të cilëve është në bashkëpronësi, të blera me vlerë 5.9 milionë lekë.
b- mosdeklarim i dy tokave arë, me sipërfaqe totale 17.000 m2, të blera me vlerë totale 22 milionë lekë.
c- Mosdeklarim i një dyqani me sipërfaqe 70 m2, me vlerë 200.000 lekë, dhe një magazinë, blerë me vlerë 3.5 milionë lekë.
d- Mosdeklarim i 3 automjeteve, për të cilat subjekti pretendon se janë jashtë përdorimit, por nuk posedon dokumentacionin përkatës.
e- Mosdeklarimi e një llogarie bankare, në shumën 475.000 lekë.
Shkeljet e Adrian Zhupës
Në përfundim të kontrollit të plotë, të kryer për vetëdeklarimin e subjektit Adrian Zhupa, me funksion përgjegjës i Agjencisë Tatimore Tepelenë, Inspektorati i Lartë konstatoi se gjatë disa viteve subjekti nuk ka deklaruar likuiditete në bankë, të cilat në 31.12.2009 ishin në shumën 2.811.773 lekë. Gjithashtu, nga analiza e deklarimeve vjetore të subjektit dhe të dhënave të siguruara gjatë procesit të kontrollit ka rezultuar se interesat private të subjektit nuk mbulohen me burimet e deklaruara.
Në përfundim të hetimit administrativ, ILDKP arriti në përfundimin se subjekti ka bërë deklarim të rremë dhe ka fshehur pasurinë. Bazuar në këto konkluzione, Inspektorati i Lartë ia referoi çështjen organit të prokurorisë për nisjen e ndjekjes penale.
Shkeljet e Sinan Shalës
Inspektorati i Lartë, në përfundim të kontrollit të plotë për subjektin Sinan Shala, me funksion kryetar komune në Gosë, Kavajë, ka konstatuar se Shala ka bërë mosdeklarim të kontratës së sipërmarrjes nga vajza e tij, me një kompani private, për ndërtim dyqani. Gjithashtu është konstatuar deklarim i rremë dhe mosmbulim me të ardhura dhe burime të ligjshme për vlerën shtesë prej 50.000 euro, e përdorur për shlyerjen e këstit për blerjen e këtij dyqani. Subjekti pretendoi se burim për këtë shlyerje janë të ardhurat nga aktiviteti privat i djalit të tij. Por nga komunikimi shkresor me Drejtorinë e Përgjithshme të Tatimeve, ILDKP ka konkluduar se aktiviteti privat i djalit të subjektit, si person fizik biznes i vogël, nuk krijon mundësi financiare për shlyerjen e këtij kësti. ILDKP-ja ka konstatuar se Shala ka bërë deklarim të rremë dhe në mospërputhje mes vlerës së deklaruar të shitjes së një shtëpie në Agnes, Kavajë, në shumën 50.000 euro, krahasuar me vlerën e kontratës në shumën 4.900.000 lekë, ku rezulton një diferencë prej 1.417.500 lekë.
Sinan Shala i komunës Gosë ka përfituar në mënyrë të paligjshme 200.000 euro
Inspektorati i Lartë i Deklarimit dhe Kontrollit të Pasurive (ILDKP), me anë të një njoftimi të shpërndarë për mediat ditën e djeshme, njofton se ka ngritur kallëzime penale për dy zyrtarë lokalë dhe një punonjës të administratës tatimore, me akuzën “mosdeklarimi, fshehja ose deklarimi i rremë i pasurive”. Gjatë kontrollit të ushtruar nga ky institucion rezulton se Kujtim Qefalia, kryetari i komunës Dajt në Tiranë, Sinan Shala, kryetari i komunës Gosë të Kavajës, si dhe Adrian Zhupa, me detyrë përgjegjës i Agjencisë Tatimore Tepelenë, rezultojnë se kanë në zotërim pasuri më shumë sesa kanë vetëdeklaruar.
Kallëzimet
Në përfundim të kontrollit të plotë për interesat private të vetëdeklaruara nga subjekti Kujtim Qefalia, me funksion kryetar i komunës Dajt, Inspektorati i Lartë konstatoi këto probleme: Qefalia, gjatë hetimit administrativ ka rezultuar se nuk ka një burim të identifikueshëm për krijimin e pasurisë së krijuar ndër vite nga ana e subjektit. Në vitin 2007, subjekti ka shitur 100 % të aksioneve të tij në shoqërinë “Vllaznia” sh.p.k, në shumën 65.000.000 lekë. Të ardhurat e kësaj shoqërie, nga viti 1999 deri në momentin e shitjes nuk janë tërhequr nga subjekti, por janë përdorur vetëm për rritjen e kapitalit themeltar. ILDKP ka krijuar dyshime të arsyeshme lidhur me mënyrën e shitjes së pjesëve në kapital të kësaj shoqërie tek një person i afërt me subjektin, jashtë sistemit bankar. I pyetur për problematikën e evidentuar, subjekti nuk ka dhënë sqarime bindëse në ILDKP dhe nuk ka dorëzuar dokumentacionin përkatës që justifikon pretendimet e tij. Në përfundim të kontrollit të plotë dhe hetimit administrativ, ILDKP arriti në përfundimin se subjekti Kujtim Qefalia ka bërë deklarim të rremë, ka fshehur pasurinë me vlera të konsiderueshme, si dhe nuk ka burime të ligjshme të mjaftueshme për të justifikuar krijimin e tyre. Bazuar në këto konkluzione, Inspektorati i Lartë ia referoi çështjen organit të prokurorisë për fillimin e ndjekjes penale. Inspektorati i Lartë, në përfundim të kontrollit të plotë për subjektin Sinan Shala, me funksion kryetar komune në Gosë, Kavajë, ka konstatuar se subjekti në fjalë ka përfituar në mënyrë të paligjshme disa kabina plazhi së bashku me truallin, pronë publike, të ndodhura në zonën e plazhit të Karpenit, Kavajë. Këto asete më pas i ka shitur me vlerë reale 200.000 euro, por të deklaruara në ILDKP si të shitura në vlerën 5 milionë lekë. Nga verifikimet e kryera nga Inspektorati i Lartë janë administruar me cilësinë e provës dy kontrata shitjeje me të njëjtin objekt dhe të njëjtat palë kontraktore. Në kontratën e depozituar nga subjekti në ILDKP, vlera e shitjes ishte 5 milionë lekë, ndërsa kontrata mbi bazën e të cilës është bërë edhe shlyerja totale e vlerës, e cila është zbuluar gjatë hetimit administrativ të ILDKP, është 200.000 euro.
Shkeljet e Kujtim Qefalisë
a- Mosdeklarim i tri trojeve me sipërfaqe 1110 m2, ku njëri prej të cilëve është në bashkëpronësi, të blera me vlerë 5.9 milionë lekë.
b- mosdeklarim i dy tokave arë, me sipërfaqe totale 17.000 m2, të blera me vlerë totale 22 milionë lekë.
c- Mosdeklarim i një dyqani me sipërfaqe 70 m2, me vlerë 200.000 lekë, dhe një magazinë, blerë me vlerë 3.5 milionë lekë.
d- Mosdeklarim i 3 automjeteve, për të cilat subjekti pretendon se janë jashtë përdorimit, por nuk posedon dokumentacionin përkatës.
e- Mosdeklarimi e një llogarie bankare, në shumën 475.000 lekë.
Shkeljet e Adrian Zhupës
Në përfundim të kontrollit të plotë, të kryer për vetëdeklarimin e subjektit Adrian Zhupa, me funksion përgjegjës i Agjencisë Tatimore Tepelenë, Inspektorati i Lartë konstatoi se gjatë disa viteve subjekti nuk ka deklaruar likuiditete në bankë, të cilat në 31.12.2009 ishin në shumën 2.811.773 lekë. Gjithashtu, nga analiza e deklarimeve vjetore të subjektit dhe të dhënave të siguruara gjatë procesit të kontrollit ka rezultuar se interesat private të subjektit nuk mbulohen me burimet e deklaruara.
Në përfundim të hetimit administrativ, ILDKP arriti në përfundimin se subjekti ka bërë deklarim të rremë dhe ka fshehur pasurinë. Bazuar në këto konkluzione, Inspektorati i Lartë ia referoi çështjen organit të prokurorisë për nisjen e ndjekjes penale.
Shkeljet e Sinan Shalës
Inspektorati i Lartë, në përfundim të kontrollit të plotë për subjektin Sinan Shala, me funksion kryetar komune në Gosë, Kavajë, ka konstatuar se Shala ka bërë mosdeklarim të kontratës së sipërmarrjes nga vajza e tij, me një kompani private, për ndërtim dyqani. Gjithashtu është konstatuar deklarim i rremë dhe mosmbulim me të ardhura dhe burime të ligjshme për vlerën shtesë prej 50.000 euro, e përdorur për shlyerjen e këstit për blerjen e këtij dyqani. Subjekti pretendoi se burim për këtë shlyerje janë të ardhurat nga aktiviteti privat i djalit të tij. Por nga komunikimi shkresor me Drejtorinë e Përgjithshme të Tatimeve, ILDKP ka konkluduar se aktiviteti privat i djalit të subjektit, si person fizik biznes i vogël, nuk krijon mundësi financiare për shlyerjen e këtij kësti. ILDKP-ja ka konstatuar se Shala ka bërë deklarim të rremë dhe në mospërputhje mes vlerës së deklaruar të shitjes së një shtëpie në Agnes, Kavajë, në shumën 50.000 euro, krahasuar me vlerën e kontratës në shumën 4.900.000 lekë, ku rezulton një diferencë prej 1.417.500 lekë.