ISHP: Gripi, me agresivi i 10 viteve te fundit
Gripi sezonal i ketij viti ka qene me agresivi dhe nder me te rendet e dhjete viteve te fundit. Ky ka qene vleresimi qe i kane bere specialistet e Institutit te Shendetit Publik virozes, e cila ne muajin dhjetor qarkulloi me mbi 16 mije raste te regjistruara zyrtarisht gjate nje jave ne te gjithe vendin.
Gripi
Ishin vete drejtuesit e Ministrise se Shendetesise te cilet e pohuan gripin sezonal, me agresiv se virusi i gripit te derrave. Sipas te dhenave nga Instituti i Shendetit Publik, gjate kesaj jave jane shenuar 10.315 raste me grip te zakonshem. Kurse, nje vit me pare ne te njejten periudhe jane regjistruar rreth 7 mije raste me grip te zakonshem. "Ajo qe vihet re kete jave eshte nje ulje e ndjeshme e rasteve me viroze gripale. Situata me e rende ka qene gjate 12 deri ne 19 tetor, ku i gjithe vendi ishte ne prag epidemie", thuhet ne buletinin e ISHP-se. Trendi ne renie i infeksioneve respiratore vazhdon edhe ne javen e pare te vitit 2010, por megjithate numri i pacienteve te vizituar dhe shtruar, vazhdon te mbetet i larte krahasuar me javet paraardhese, madje verehet edhe rritje e tyre ne 3 ditet ne vazhdim. Raportimet per shtrimet dhe kthimet e pacienteve ne QSUT dhe Sanatorium kryhen ne baze ditore dhe vazhdon monitorimi i situates epidemiologjike ne te gjithe vendin.
H1N1
Gripi i derrave tashme po qarkullon brenda familjeve, kopshteve apo shkollave, pikerisht ne ato vende ku ka grumbullime. Per sa i perket situates, deri me tani rezultojne te prekur rreth 417 persona dhe shumica derrmuese e rasteve, jane konfirmuar ne Tirane. Por specialistet e ISHP-se bejne me dije se numri i te prekurve ne vendin tone nga ky virus mund te jete shume i madh, deri ne 60 mije persona, por qe nuk kane kerkuar ndihmen e mjekut dhe e kane kaluar virusin ne gjendje te lehte. Te dhenat nga ISHP bejne me dije se jane marre deri dje jane marre 2781 mostra nga Tirana dhe rrethet. Numri me i madh i mostrave eshte marre ne grupmoshen 15 -24 vjec ku dhe vihet re dhe numri me i madh i rasteve te konfirmuara. Per sa i perket rasteve te renda, jane raportuar 55 raste dhe vetem 84 per qind e tyre jane raportuar qe prej fillimit te dhjetorit 2009. Te dhenat tregojne se 22 per qind e tyre i perket grupmoshes 0-14 vjec. "Dy raste jane te moshes nen 12 muaj. Nje nga rastet feminore ka si semundje bashkeshoqeruese leishmaniozen dhe nje rast tjeter paraqet encefalopati", thuhet ne Buletinin Epidemiologjik te ISHP-se. Sipas ketij te fundit, rastet qe jane te moshave te rritura kane paraqitur semundje shoqeruese si diabet, semundje kardiovaskulare etj.
Tamiflu
Strukturat Shendetesore nuk kane asnje te dhene se sa eshte perdorur Tamifluja tek personat e dyshuar, apo te prekur nga gripi i derrave. Kjo per vete faktin se punonjesit e shendetesise ne rrethe, por edhe ne qendrat shendetesore ne Tirane, kur dergojne mostrat e analizave nuk japin asnje te dhene mbi pacientin pervecse analizes. Nderkohe ISHP ka bere shperndarjen e Tamifluse ne 36 rrethe te vendit ku jane shperndare nga 30-50 kuti per cdo spital. Kurse 900 kuti jane shperndare prane ASHR per trajtimin ambulator te gripit ne Tirane, ku vihet re dhe numri me i madh i rasteve. Ndersa 300 kuti jane shperndare prane QSUT dhe 60 kuti per spitalin e semundjeve pulmonare.