Peng veten, qe te shlyeje kredine
Kruje- Merr peng veten per te zhvatur familjen dhe shlyer kredine 500 mije lekeshe ne nje banke private te nivelit te dyte. Ngjarja e paprecedente ka ndodhur pasditen e se merkures dhe ka perfunduar nje dite me pas. Jo vetem kaq, por i dyshuari Bajram Ndreu 49-vjec, nga Kruja, eshte mbyllur me nje kasolle bagetish duke u kycur nga brenda dhe aty agjentet kane gjetur nje arsenal te tere me arme, fisheke, tritol dhe nje sasi droge kanabis sativa. Ndaj te dyshuarit pas arrestimit jane ngritur akuzat e "Kallezimit te rreme", "mbajtjes pa leje te armeve, municioneve dhe lendeve plasese" dhe "prodhim e shitje te narkotikeve".
Policia vendore eshte vene ne alarm rreth ores 13:00 te dites se enjte, pasi vellai i Bajram Ndreut, E. N., ka denoncuar zhdukjen e tij dhe me pas rrembimin per qellime perfitimi. Ngjarja eshte raportuar se ka ndodhur qe prej ores 22:00 te se merkures ne qytetin e Krujes. Po kete mbremje Bajram Ndreu, qe ka sajuar edhe pengmarrjen e vetvetes, i ka bere telefonate familjes ne numrin fiks, ku "pengmarresi" kerkonte 500 mije leke per te leshuar te gjalle 49-vjecarin. Te njejten telefonate kercenuese e ka perseritur edhe rreth ores 09:00 te mengjesit te se enjtes, duke dhene ultimatum.
Duke u ndodhur ne kete situate, familja ka kerkuar ndihmen e Policise se Krujes. Fillimisht jane kryer hetime per krimin e "rrembimit te personit me qellime perfitimi", ndersa eshte verifikuar veprimtaria e koheve te fundit te "viktimes". Rreth mesnates se enjte, agjentet, duke kryer pergjime telefonike, transkriptime dhe mbikeqyrje ambientale, kane arritur te lokalizojne sinjalin ne afersi te qytetit. Menjehere eshte ushtruar kontroll ne nje kasolle ne fshatin Picrrage te rrethit Kruje, dera e jashtme e se ciles ishte e mbyllur nga brenda.
"Pas thirrjeve te drejtuara dera eshte hapur nga Bajram Ndreu. Nga kontrolli i ushtruar ne kasolle u gjeten dhe sekuestruan 2 aparate telefoni celular, 22 fisheke, 3 kallepe tritoli, 5 meter fitil zjarrpercjelles, si dhe 100 grame fare kanabis sativa", njoftoi policia vendore diten e djeshme. Rreth ores 01:00 te mengjesit, ndaj Ndreut eshte marre masa e arrestit ne flagrance. Gjate marrjes ne pyetje, 49-vjecari ka pranuar se sajoi pengmarrjen, por qellim ka qene shlyerja e kredise prej 500 mije lekesh ne banke.