ISKSH: Prej ditës së nesërme hyn në fuqi lista e re e barnave të rimbursueshme Drejtoresha e Institutit të Sigurimeve të Kujdesit Shëndetësor, Elvana Hana

Drejtoresha e Institutit të Sigurimeve të Kujdesit Shëndetësor, Elvana Hana, njoftoi se prej ditës së nesërme hyn në fuqi lista e re e barnave të rimbursueshme për vitin 2010. “Lista e re e barnave të rimbursueshme është pasuruar me 17 barna të reja, nga të cilat disa formëdoza barnash që trajtojnë sëmundje kronike, duke krijuar mundësinë e një dozimi më të mirë dhe më të përshtatshëm për pacientët”, sqaroi Hana, gjatë një komunikimi me mediat. Sipas saj, me këto barna do të trajtohen kryesisht kategoritë si, fëmijët, gratë, invalidët dhe pensionistet.