ISKSH deri nje page bonus per mjeket e familjes Sonila Isaku
Ne kete fund viti, mjeket, infermieret dhe personeli i qendrave shendetesore do te perfitojne nje page shtese, si rezultat i performances dhe cilesise se sherbimit te ofruar tek pacientet. Drejtoresha e ISKSH-se, Elvana Hana, tha se ky eshte viti i gjashte, qe ndiqet nje politike e tille ndaj personelit shendetesor, bazuar ne numrin e vizitave per mjek si dhe ne sherbimin e ofruar ndaj pacienteve kryesisht te semureve kronike. Sipas saj numri i perfituesve, eshte 9300 persona, te cilet per punen e tyre do te shperblehen nga 50 per qind te pages e deri ne nje page te plote ne ato poliklinika ku performanca ka qene e larte. “Reforma e nisur ne vitin 2007 ne sherbimin shendetesor paresor tashme eshte konsoliduar me se miri, pasi cilesia e sherbimit, qe ofrohet per popullaten lidhet drejtperdrejt me pagesen e personelit mjekesor, i cili, per te gjashtin vit radhazi, shperblehet ne baze te punes se kryer ne sherbim te pacienteve. Nisur nga treguesit e mire te performances, punonjesit e Qendrave Shendetesore do te perfitojne deri ne nje page financim shtese ne kete fundviti, ne baze te realizimit te indikatoreve te performances dhe bonusit”, u shpreh Hana. Sipas saj, treguesi i punes eshte realizuar ne nivele mbi 90 %, nga 291 qendra shendetesore, te cilat ushtrojne aktivitetin ne 10 rajone. Ndersa treguesit e bonusit jane realizuar mbi 55% nga mbi 217 poliklinika, qe veprojne ne 7 rajone. Sipas rajoneve rezulton se perfitojne pagesa shtese maksimale, punonjesit e rajoneve: Gjirokaster, Shkoder, Tirane, Berat, Diber, Durres dhe Vlore etj, te cilat kane realizuar me mire edhe treguesit e cilesise e performances. “Krahasuar me te njejten periudhe te vitit te kaluar qendrat shendetesore, si rezultat i rritjes se numrit te vizitave kane arritur te terheqin rreth 25 milion leke me shume, ndersa si rezultat i plotesimit te indikatoreve te bonusit kane terhequr 85 milion leke me shume”, ka theksuar Hana. Te dhenat tregojne se per 6 mujorin e dyte te ketij viti, parashikohet te shperndahen rreth 290 milion leke. Nga ky fond perfitojne rreth 9350 punonjes, nga te cilet rreth 2000 mjeke familje e te pergjithshem dhe specialiste, 6600 infermiere dhe 750 punonjes te tjere, sanitare, shofere, ekonomiste. Sipas ISKSH-se, fondet per perballimin e shperblimeve jane transferuar tashme ne llogarite bankare te Qendrave Shendetesore, te cilat duhet te veprojne menjehere per shperndarjen e tyre brenda muajit dhjetor. Sa i takon treguesve te performances, ato maten me ane te disa indikatoreve, te cilet per kete vit kane rezultuar ne rritje me te njejten periudhe te vitit te kaluar. Keshtu mjeket kete vit kane ndjekur me shume konferenca e seminar ku edukimi mjekesor ne vazhdim ka shkuar ne 30 per qind. Nderkohe, qe perqindja e pacienteve brenda normes per hipertensionin arterial eshte rritur me 19 % krahasuar me vitin e kaluar, treguesi i pacienteve brenda normes, persa i takon diabetit gjithashtu eshte rritur me 10 % si dhe ndjekja e femijeve 0-1 vjec, qe ka nje permiresim me 7 per qind.