ISKSH dhe Urdhri i mjekëve kontrolle në poliklinika

Përveç gjyqtarëve, mjekët janë kategoria për të cilët adresohen qindra ankesa nga qytetarët për shërbimin që ata ofrojnë. Për këtë arsye Instituti i Sigurimeve dhe Kujdesit Shëndetësor dhe Urdhri i mjekut kanë gjetur gjuhën e përbashkët për të ndërmarrë një kontroll në të gjithë qëndrat shëndetësore për të nxjerr në pah të gjitha raste kur mjekët gabojnë me recetat e tyre, neglizhojnë apo tregohen arrogant me pacintët. Pa lënë mënjanë edhe nivelin profesional të tyre.
“Kur në kontrollet e ushtruara, ISKSH dhe strukturat vartëse konstatojnë shkelje nga mjekët gjatë ushtrimit të profesionit, të papajtueshme me principet e Kodit të Etikës dhe Deontologjisë Mjekësore, marrin përsipër t`i relatojnë ato me Urdhrin e Mjekëve, i cili do të shqyrtojë dhe ndëshkojë këto raste në vartësi të shkeljeve përkatëse deri në heqjen e licensës së ushtrimit të profesionit", u shpreh drejtoresha e ISKSH-së duke ju referuar memorandumit të nënshkruar mes dy institucioneve.
Është i lartë numri i mjekëve të cilët nuk janë të pajisur me licensë. Kjo sipas autoritetve shëndetësore është më e dukshme në spitale të vendit. Edhe në këtë pikë kontollet do të jenë intensive.
Nga shkeljet e konstatuara mjekët nuk respektojnë orarin e punës, kanë sjellje jo korrekte me pacientët dhe në rastin më të keq kanë dhënë mjekimin e gabuar.
Ndërsa ky bashkëpunimi, synon të minimizojë rastet korruptive dhe shkelje të tilla duke paralajmëruar heqje të licensës së bluzave të bardha në rast se nuk respektojnë etikën profesionale.