IZRAEL – Netanyahu emëron shefin e ri të Mossad-it

TEL AVIV, 4 dhjetor /ATSH-AA/ – Kryeministri izraelit, Benjamin Netanyahu emëroi  sekretarin e tij ushtarak, gjeneralmajor Roman Gofman, si kreun e ardhshëm të Mossad-it, shërbimit të inteligjencës përgjegjës për operacionet jashtë shtetit të Izraelit.

“Pas intervistimit të kandidatëve të ndryshëm, kryeministri Benjamin Netanyahu ka vendosur të emërojë sekretarin e tij ushtarak, gjeneralmajor Roman Gofman, në pozicionin e Drejtorit të Mossad-it të Shtetit të Izraelit”, tha zyra e tij në një deklaratë.

Gofman do të zëvendësojë kreun aktual të Mossad-it, David Barnea, i cili do të përfundojë mandatin e tij pesëvjeçar në qershor 2026, shtoi deklarata.   /os/