(Idealisti) Dr. Flori: Nuk kam asgjë me Ilir Metën, përkundrazi e vlerësoj si politikan
Balkanweb ka bërë një intervistë me Dr. Florin, këngëtarin që ditën e hapjes së fushatës nxori si “rastësisht” një këngë kundër Edi Ramës.
Intervistuesi Erald Rexho, e pyet nëse zhgënjimi nga marrëveshja Rama-Meta nënkupton që është edhe kundër Metës, sepse, pyet gazetari, keni kënduar në gëzimet e tij familjare.
Dhe Dr. Flori përgjigjet: Nuk kam asgjë me Ilir Metën, madje përkundrazi e vlerësoj si politikan. Sidoqoftë, unë nuk marr përsipër të komentoj ose të vlerësoj paktet që bëhen, por jam i lirë të them atë që ndjej kur ideali im përdhoset.
I pyetur se si ka mundësi që nga kundërshtar i Sali Berishës, sot këndon në fushatën e tij, këngëtari përgjigjet: Nuk kam qenë dhe nuk jam kundërshtar i askujt. Angazhimi aktual vjen si pasojë e një marrëveshjeje financiare, asgjë më shumë. Pavarësisht se në tekstin e këngës thotë: Unë nuk jam Pazar/E as matematikë
Dhe, i pyetur drejtpërdrejt, Sa ju ka paguar Berisha?, Dr Flori gjegjet: Vota dhe rroga nuk tregohen…