Ilda e “Big Brother” e dashuruar me “Mister Albania”

 

Në “Big Brother” hyri krejt rastësisht pa e menduar gjatë, dhe doli andej gati e shokuar. Sikur të mos mjaftonte sherri me banoren tjetër Mardiolën, kur doli u përball me zhurmën që ishte krijuar, dhe komentet e shumta “lezbikja”, pas publikimit në gazeta të disa fotove të hedhura në internet, ndërsa Ilda ndodhej brenda në shtëpinë “Big Brother”. Por kjo ishte shumë pak, pasi ai që ia ndryshoi “shijet”, ishte djali shtalartë, ish-mister Albania, Gerald Shahu. Ata u njohën shumë rastësisht para disa muajsh në pub “The Living Room”, dhe natyrisht që kësaj beson tek njohjet rastësore edhe kur argëtohesh. Për të është njësoj, pasi njohja e thellë vjen pas kësaj. Dy muaj ishin pauzë, pasi bënin të dy interesantin në sytë e njëri-tjetrit, derisa rastësisht u takuan sërish dhe vendosën të pinin një kafe.

Njohja në pub
Po si është është Gerald Shahu, Mister Albania 2003, që në fakt tërheq vëmndjen e shumë vajzave të bukura të ish-bllokut, në lokalet e të cilit mund ta shohësh të pijë kafe. “Tip me humor, që ka dy gjëra pasion, palestrën dhe gallatën. Ai vazhdon studimet për juridik në Universitetin “Marin Barleti”. “Tek Geri kam gjetur dashurinë. Në fillim më pëlqeu pamja e tij, pasi nga aparaneca është shumë tërheqës. Duke e njohur kam njohur personalitetin e tij të mirë, i çiltër dhe e vlerësoj pasi në Shqipëri është vështirë të njohësh tipa të tillë”.

Geri, kushëriri i Polit
Dhe kjo mund të cilësohet nga ato dashuritë si të telenovelave, kur mendon se Geri, është kushëriri i largët me Polin. Por Ilda nuk pranon të flasë fare për këtë, pasi nuk i pëlqen t’i ngatërrojë gjërat, edhe pse pohon se me Polin ruan thjesht miqësi dhe asgje më shumë. Ç’ka qenë Poli për Ildën? Mund t’ju them se Poli s’ka qenë fare pjesë e lojës brenda “Reality show”. “E kisha qejf, por jo aq shumë. Xhelozia e Inës më nxiti në të”, tregon Ilda për “Panorama Plus”.

  Aktore në serial
Është një serial goxha interesant, me titull “Familjet” që mendohet t’i ngjasojë “Sopranos”, e një regjisori nga Prishtina Sunaj Raca, një bashkëpunim me Digitalb. Ajo është në rolin e një vajze me emrin Kaltrina, nga Tirana që shkon në Prishtinë me të atin dhe atje përfshihet në një vorbull trafiqesh. Ilda do të jetë një nga protagonistët në serialin ku luajnë shumë aktorë të njohur, mes të cilëve edhe Rajmonda Bulku.  
Amerika
Tani plani për Amerikë ka mbetur në pauzë, pasi e shikon që jeta tani mund të fillojë këtu, edhe pse Geraldi është ai që e këshillon që për të mirën e saj ajo duhet të kthehet në Amerikë.Por kjo ka qenë periudhë pushimi për të dhe më e keqja në Shqipëri është mentaliteti i njerëzve.

Intervista

Cilat janë planet që bëni me Gerin?
Mendoj për gjithçka po prapë ia lëmë kohës, pasi asnjëherë nuk i dihet.
Është i hapur ai që ti të jesh në televizion?
Natyrisht është i hapur dhe më shtyn që të jem në televizion.
Cili është një sugjerim që ju bën?
Mendon që të jem në Amerikë, për të mirën time. Por edhe kësaj nuk i dihet asnjëherë?
Po me Mardiolën si janë marrëdhëniet tani?
Kam marrëdhëniet më të mira se më të gjithë banorët e tjerë.
Keni miqësi me artistët shqiptarë?
Po me Flori Mumajesin, Big Bastën.
Keni menduar ndonjëherë të bëni këngë?
Po, bëjmë shaka ndonjëherë dhe bashkë me një shoqen time i themi Florit që nëse një ditë dështojm në jetë, do vijmë të bëjmë këngë, sepse kështu funksionon këtu.
Dhe çfarë kënge?
Nuk kam zë, por mendoj ndonjë këngë rep, ose ku di unë.