Ilir Meta: Duhet vendosur besim dhe konsensus për KQZ-në

Në një konferencë për mediat  së bashku  me lidershipin  e partisë Aleanca Popullore, kryetari  i Lëvizjes Socialiste për Integrim ka deklaruar  se ndonëse është një forcë e re, ka investuar qartë në koalicionin e ri për Shqipërinë Evropiane.

Me një vision tepër konstruktiv. Është një forcë  që si prioritet kryesor të saj  ka afirmimin  e çështjes  çame  dhe zgjidhjen e  saj. Kjo në kuadër të integrimit evropian. Është një forcë që jam i bindur se  do të jetë një nga suprizat e këndshme  të 23 Qershorit. Do të japë  një kontribut të rëndësishëm për realizimin  e atij rotacioni të domosdoshëm dhe aq të rëndësishëm për të ardhmen e vendit tonë. Dihet se  Aleanca për Shqipërinë Evropiane  përfaqëson  koalicionin  më të gjerë të realizuar ndonjëherë në vendin tonë në këto dekada pluralizmi politik, pohoi Meta.

Për sa i përket krizës së KQZ-së , Meta tha: Konsensusin  dihet se kush  e prishi në mënyrë  të vrazhdë  dhe arrogante. Nuk është kjo rruga e rritjes  së besimit tek zgjedhjet e ndershme, u shpreh Meta.