Importi, presion mbi cmimet ne Shqiperi
Normat e larta te inflacionit ne periudhen gusht 2007 - qershor 2008 rezultuan nga ndikimi i drejtperdrejte dhe i terthorte i rritjes te cmimeve te ushqimeve dhe te naftes ne tregun boteror. Krahas presioneve te jashtme inflacioniste, cmimet ne vend u ndikuan nga kufizimet ne oferten vendase te prodhimeve bujqesore te vitit te kaluar dhe nga rritja e cmimit te energjise. Kushtet atmosferike te ketij viti kane qene te favorshme duke bere qe oferta vendase e prodhimit bujqesor te rritej. Efekti stinor, shkaktuar nga hyrja e prodhimit te brendshem bujqesor u ndje me teper sesa gjate vitit te kaluar. Cmimi i naftes dhe ai i drithit ne tregun boteror kane ardhur ne renie gjate dy muajve te fundit. Megjithate ekspertet jane te mendimit se, eshte ende shpejt per te pranuar se tendenca e ketyre cmimeve po shenon nje pike kthimi. Forcimi i monedhes vendase si dhe prirja ne renie e cmimeve te ketyre mallrave ne vendet prej nga importohen, kane zbutur presionet inflacioniste mbi cmimet e mallrave ushqimore ne vend.