Indonezi, gjendet kutia e zezë e aeroplanit rus

Ushtarët e Indonezisë kanë gjetur kutinë e zezë të aeroplanit Sukhoi të prodhimit rus, i cili u përplas gjatë një fluturimi të shkurtër demonstrues më 9 maj.

Zëdhënësi i agjencisë për kërkim-shpëtim në Indonezi, Gagah Prakoso, tha se kutia e zezë me incizimet e të dhënave është gjetur afër vendit ku ndodhen mbetjet e aeroplanit, në një luginë të thellë afro 500 metra.

Piloti i aeroplanit kishte kërkuar që të ulej pak para se aeroplani të zhdukej krejtësisht nga radarët në një terren malor.

Mësohet se të gjithë pasagjerët në aeroplan kanë humbur jetën.