Indonezia, përkujton tsunamin... me lëkundje sizmike

Lajmi bëhet i ditur nga Instituti Amerikan i Gjeofizikës, i cili saktëson se epiqendra e lëkundjes u lokalizua në 88 kilometra thellësi. Kjo lëkundje vjen pikërisht në ditën kur bëhen plot pesë vjet nga tsunami i 26 dhjetorit të vitit 2004.Në atë fatkeqësi natyrore humbën jetën më tepër se 230 mijë persona nga 13 vende. Ndërkohë që vetëm në Indonezi numri i të vdekurve ishte 170 mijë. Për të përkujtuar këto viktima, sot në gjithë Azinë janë zhvilluar ceremoni përkujtimore.