Industria e veshjeve, nen efektet e krizes

Industria shqiptare e veshjeve paraqitet nen efektet e krizes ekonomike qe ka perfshire Evropen, pasi ajo rezulton e varur kryesisht nga sipermarrjet italiane dhe ato greke. Nje fakt i tille permendet ne nje artikull te posacem te publikuar nga mediat e huaja, shkruar nga Mark Rowe. Ai citon te flase lidhur me kete dukuri, edhe Diana Sokolajn, presidenten e shoqates shqiptare per disenjatoret e modes, e cila tregon se gjithsesi, vendi yne mbetet me i preferuari nder ato te rajonit, pasi "investitoret perfitojne nga kostot e punes qe jane me konkurruese sesa ato ne Bullgari dhe Rumani". Nderkaq, te dhenat me te fundit, tregojne se prodhimet tekstile u llogariten ne 17.1% te totalit te eksporteve shqiptare ne vitin 2011, duke treguar ne fakt nje rritje mesatare vjetore prej 8%-10% midis periudhes se viteve 2000-2010. Ndersa destinacionet kryesore te eksportit te veshjeve rezultojne te jene Italia (78%), Greqia (16%) dhe Gjermania (6%), te cilat se bashku perfaqesojne ne fakt 99.7% te te gjitha eksporteve te veshjeve shqiptare. Megjithate, artikulli i lartpermendur citon se "kriza greke ka ndikuar ne nivelet e ketyre prodhimeve. "Recesioni ekonomik qe goditi kryesisht Greqine dhe Italine, e ka prekur shume industrine shqiptare te veshjeve. Shume fabrika jane te mbyllura dhe qindra te punesuar jane duke u hedhur ne rruge. Furnizimi me lende te pare te fabrikave shqiptare nga kompanite greke, ka qene i nderprere", thote nder te tjera Sokolaj. Ndersa ne fund te tij, artikulli permend edhe dukurine tjeter e cila paraqet rrezikshmeri per industrine shqiptare te tekstileve, ate te konsolidimit te sektorit te shitjes me pakice te veshjeve. Kujtojme se tregu i brendshem i tyre po nis te mbizoterohet nga marka te medha nderkombetare, qe tashme kane krijuar dyqanet e tyre ne Tirane.